اینجلو میتھیوز اور سرنگا لکمل ویسٹ انڈیز کے خلاف ٹیسٹ سیریز کیلئے فٹ قرار

ہفتہ 19 مئی 2018 18:27

کولمبو ۔ (اُردو پوائنٹ اخبارتازہ ترین - اے پی پی۔ 19 مئی2018ء) سری لنکن کرکٹرز اینجلو میتھیوز اور سرنگا لکمل فٹ ہو گئے، آئندہ ماہ ویسٹ انڈیز کے خلاف شیڈول ٹیسٹ سیریز کیلئے ٹیم کو دستیاب ہوں گے۔ سری لنکا اور ویسٹ انڈیز کے درمیان پہلا ٹیسٹ 6 جون سے شروع ہو گا۔

(جاری ہے)

میتھیوز نے آخری مرتبہ رواں سال جنوری میں زمبابوے کے خلاف ون ڈے میچ میں ملک کی نمائندگی کی تھی اور اسی میچ کے دوران وہ ہیمسٹرنگ انجری میں مبتلا ہو گئے تھے اور اسی وجہ سے وہ بنگلہ دیش کے خلاف نداہاس ٹرافی بھی نہیں کھیل سکے تھے، دوسری جانب فاسٹ بائولر سرنگا لکمل بھی کافی عرصے سے سائیڈ سٹرین انجری کے باعث کرکٹ میدانوں سے باہر ہیں۔

سری لنکن سلیکٹرز کو کالی آندھی کے خلاف ٹیسٹ سیریز کیلئے دونوں کھلاڑیوں کی فٹنس پر تشویش تھی تاہم اب ان کا کہنا ہے کہ میتھیوز اور لکمل مکمل طور پر فٹ ہو گئے ہیں اور دورہ ویسٹ انڈیز کیلئے تیار ہو گئے ہیں۔