پاکستان تحریک انصاف کے عثمان ڈار نے خواجہ آصف کی اپیل خارج کرنے کیلئے متفرق درخواست دائرکردی

خواجہ آصف کی نااہلی کافیصلہ درست اورقانون کے مطابق ہے،فیصلے میں کسی قسم کی عدالتی مداخلت کی ضرورت نہیں ،ْدرخواست گزار

ہفتہ 19 مئی 2018 20:53

پاکستان تحریک انصاف کے عثمان ڈار نے خواجہ آصف کی اپیل خارج کرنے کیلئے ..

اسلام آباد (اُردو پوائنٹ اخبارتازہ ترین - این این آئی۔ 19 مئی2018ء) پی ٹی آئی رہنما عثمان ڈارنے خواجہ آصف کی اپیل خارج کرنے کیلئے متفرق درخواست دائرکردی،درخواست عثمان ڈارکے وکیل سکندربشیرنے سپریم کورٹ میں دائرکی،جس میں موقف اختیار کیا گیاکہ خواجہ آصف کی نااہلی کافیصلہ درست اورقانون کے مطابق ہے،فیصلے میں کسی قسم کی عدالتی مداخلت کی ضرورت نہیں،عدالت سے استدعا ہے کہ خواجہ آصف کی عدالتی فیصلے کیخلاف اپیل خارج کی جائے اورنااہلی کافیصلہ برقراررکھاجائے۔

(جاری ہے)

درخواست میں کہا گیا کہ خواجہ آصف کی اکاوٴنٹ ظاہرنہ کرنے کی دلیل قابل جوازودفاع نہیں،اثاثے ظاہرنہ کرنے کامقصدٹیکس سے بچاناہوتا ہے،خواجہ آصف کے اثاثے ظاہرنہ کرنے سے مفادات کاٹکرائوبھی سامنے آتاہے،اثاثے ظاہرنہ کرنے کامقصد آمدن کے ذرائع چھپاناہوتاہے۔