پاکستان ریلوے میں گریڈ 20اور 21کے افسروں کے تقرروتبادلوں کے احکامات جاری

ہفتہ 19 مئی 2018 21:48

لاہور(اُردو پوائنٹ اخبارتازہ ترین - آئی این پی۔ 19 مئی2018ء) پاکستان ریلوے نے کمرشل اینڈ ٹرانسپورٹیشن، سول انجینئرنگ ڈیپارٹمنٹ کے گریڈ 20اور 21کے چند افسروں کے تقرروتبادلوں کے احکامات جاری کیے ہیں۔

(جاری ہے)

تفصیلات کے مطابق کمرشل ٹرانسپورٹیشن گروپ کے گریڈ 21کے آفیسرزبیر شفیع غوری کو سیکرٹری ریلوے بورڈ سے تبدیل کرکے منیجنگ ڈائریکٹر پراکس تعینات کردیاہے جبکہ سول انجینئرنگ ڈیپارٹمنٹ کے گریڈ 20کے آفیسر فرخ تیمور غلزئی کو ڈائریکٹر جنرل ویجیلنس سے تبدیل کرکے سیکرٹری ریلوے بورڈ لگادیاگیاہے۔

اسی طرح چیف پرسانل آفیسر کے عہدے پر فرائض سرانجام دینے والے کمرشل ٹرانسپورٹیشن گروپ گریڈ20کے آفیسر چوہدری بلال سرور کو ڈائریکٹر جنرل ویجیلنس کا اضافی چارج دے دیاہے۔اس کے علاوہ ہریٹیج سیل جوکہ ریڈیمکوکاحصہّ ہے اُس کو بھی سٹاف سمیت پریکس میں ٹرانسفر کردیاگیاہے اور اس سلسلے میں باقاعدہ نوٹیفیکیشن جاری کردیاگیاہے۔