کپتان کی جارحانہ باولنگ، سیاسی مخالفین کی 100 سے زائد وکٹیں اڑا دیں

ْ مسلم لیگ ن کی60 سے زائد، پیپلزپارٹی کے 25 اور مسلم لیگ ق کے 15 الیکٹیبلز تحریک انصاف میں شامل ہوئے

ہفتہ 19 مئی 2018 21:56

کپتان کی جارحانہ باولنگ، سیاسی مخالفین کی 100 سے زائد وکٹیں اڑا دیں

لاہو ر(اُردو پوائنٹ اخبارتازہ ترین - آئی این پی۔ 19 مئی2018ء) چیئرمین تحریک انصاف عمران خان کی جارحانہ اننگز، اب تک سیاسی مخالفین کی 100 سے زائد وکٹیں اڑا دیں۔وفاداریاں بدلنے والوں کا تحریک انصاف کی جانب رخ، پی ٹی آئی میں شامل ہونے والی بڑی سیاسی شخصیات کی سنچری مکمل، کپتان کی تباہ کن اننگز سے کوئی سیاسی جماعت نہ بچ سکی۔

(جاری ہے)

تبدیلی کی لہر نے سب سے زیادہ مسلم لیگ ن کو متاثر کیا، پیپلزپارٹی دوسرے نمبر پر رہی۔

عمران خان نے پنجاب سے پیپلزپارٹی اور مسلم لیگ ق کے بڑے الیکٹیبلز چھین لیے ہیں۔مسلم لیگ ن کی60 سے زائد، پیپلزپارٹی کے 25 اور مسلم لیگ ق کے 15 الیکٹیبلز تحریک انصاف میں شامل ہوئے۔ پاکستان تحریک انصاف کا دعوی ہے کہ آنے والے وقت میں مسلم لیگ نون کے الیکٹیبلز کی مزید وکٹیں بھی اڑیں گی۔