یورپ فضائی آلودگی کی لپیٹ میں،متعدد یورپی ممالک کے خلاف قانونی چارہ جوئی کا فیصلہ،یورپی کمیشن

فضائی آلودگی پرجرمنی، فرانس، برطانیہ، ہنگری ، اٹلی اور رومانیہ کو یورپی آئینی عدالت میں پیش ہونا پڑے گا

ہفتہ 19 مئی 2018 22:19

برسلز(اُردو پوائنٹ اخبارتازہ ترین - آئی این پی۔ 19 مئی2018ء) یورپ فضائی آلودگی کی سخت لپیٹ میں آگیا، یورپی کمیشن نے متعدد یورپی ممالک کے خلاف قانونی چارہ جوئی کا فیصلہ کر لیا،کمیشن کے مطابق اب جرمنی، فرانس، برطانیہ، ہنگری ، اٹلی اور رومانیہ کو یورپی آئینی عدالت میں پیش ہونا پڑے گا۔

(جاری ہے)

غیر ملکی میڈیا کے مطابق یورپی کمیشن نے غیر معیاری اور ہوائی آلودگی کی وجہ سے متعدد یورپی ممالک کیخلاف قانونی کارروائی شروع کر دی ہے۔

کمیشن کے مطابق اب جرمنی، فرانس، برطانیہ، ہنگری ، اٹلی اور رومانیہ کو یورپی آئینی عدالت میں پیش ہونا پڑے گا۔ اس بیان میں مزید کہا گیاہے کہ اب اس سلسلے میں مزید انتظار نہیں کیا جا سکتا ۔ یورپی کمیشن کے بقول ان ممالک نے فضائی آلودگی کو فوری طور پر کم کرنے کے لیے کوئی مناسب منصوبے پیش نہیں کئے ۔ جرمنی، فرانس اور برطانیہ فضا میں نائٹروجن آکسائیڈ کی یورپی حد کی خلاف ورزی کے مرتکب ہوئے ہیں۔