جیکب آباد، معمولی جھگڑے پر جانی سومرو رکو قتل کرنیوالے دومفرور ملزمان کو پولیس نے گرفتار کرلیا

ہفتہ 19 مئی 2018 22:41

جیکب آباد(اُردو پوائنٹ اخبارتازہ ترین - آئی این پی۔ 19 مئی2018ء) معمولی جھگڑے پر جانی سومرو رکو قتل کرنیوالے دومفرور ملزمان کو پولیس نے 30گھنٹوں میں گرفتارکرلیا ملزمان قتل ،بھتہ ،دہشت گردی ،منشیات ،شراب جوا اور پولیس مقابلے کے مقدمات میں مطلوب تھے۔

(جاری ہے)

تفصیلات کے مطابق تین روزقبل احمد میاںسومرومحلہ میں جھگڑے کے دوران فائرنگ میں ہلاک ہونے والے جانی سومرو کے قتل میں ملوث دومفرور ملزمان کو جیکب آباد پولیس نے 30گھنٹوں کے اندر گرفتارکرلیاہے اس سلسلے میں ایس ایس پی فیصل عبداللہ چاچڑ نے بتایاکہ ملزمان کی گرفتاری کے لیے دو خصوصی پولیس ٹیمیں تشکیل دی گئی تھیں ملزمان پولیس کو قتل ،بھتہ خوری،دہشت گردی ،منشیات ،شراب ،جوا اور پولیس مقابلے کے مقدمات میں انتہائی مطلوب تھے انہوںنے بتایاکہ دیگر ملزمان کی گرفتاری کے لیے بھی چھاپوں کا سلسلہ جاری ہے ۔