سعودی نوجوان سے چچا کی بیماری دیکھی نہ گئی ، گردہ عطیہ کردیا

اتوار 20 مئی 2018 10:10

ریاض ۔ (اُردو پوائنٹ اخبارتازہ ترین - اے پی پی۔ 20 مئی2018ء) سعودی نوجوان بھتیجے نے چچا کی محبت میں اپنا گردہ عطیہ کر دیا۔ گردے کی منتقلی کا آپریشن کامیاب رہا۔ چچا کو گردہ عطیہ کر کے قلبی سکون ملا۔ عرب میڈیا کے مطابق حائل ضلع میں مقیم 49 سالہ متعب گزشتہ کئی ماہ سے گردے کے مرض میں مبتلا تھا جس کے لئے اسے ہفتے میں 3 دن ڈائیلاسیس کے تکلیف دہ مرحلے سے گزرنا ہوتا تھا۔

ڈاکٹروں کا کہنا تھا کہ متعب کے دونوں گردے ناکارہ ہو چکے ہیں۔ ۔

(جاری ہے)

جب یہ خبر متعب کے نوجوان بھتیجے کو ملی تو اس نے اپنے خون کا معائنہ کروایا تاکہ چچا کو بیماری کی اذیت سے بچا کر اپنا گردہ عطیہ کر سکے۔ بھتیجے کا ٹیسٹ مثبت آیا جس کا مطلب تھا کہ اس کا گردہ باآسانی چچا کے کام آسکتا ہے۔ نوجوان حاتم نے فوری طور پر اپنے طبی معائنہ کے بارے میں چچا کو مطلع کرتے ہوئے کہا کہ میں آپکی بیمار ی نہیں دیکھ سکتا اپنا گردہ آپ کو عطیہ کرتا ہوں۔ حاتم اپنے بیمار چچا کو لیکر ڈاکٹرکے پاس گیا جہاں انکا آپریشن کر دیا گیا۔ ڈاکٹروں کا کہنا تھا کہ چوں کہ حاتم کا گردہ متعب کو میچ کر گیا اس لئے اب وہ جلد ہی روبہ صحت ہو جائے گا اور اسے ڈائیلاسیس کے تکلیف دہ مراحل سے بھی نجات مل جائے گی۔

Facebook Twitter Google + Share on Whatsapp

سعودی نوجوان سے چچا کی بیماری دیکھی نہ گئی ، گردہ عطیہ کردیا

متعلقہ عنوان :

مزید بین الاقوامی خبریں