ملک کے بیشتر علاقوں میں (آج) موسم گرم اور خشک رہنے کا امکان ہے، محکمہ موسمیات

اتوار 20 مئی 2018 12:20

اسلام آباد ۔ (اُردو پوائنٹ اخبارتازہ ترین - اے پی پی۔ 20 مئی2018ء) محکمہ موسمیات نے کہا ہے کہ (آج) پیر کو ملک کے بیشتر علاقوں میں موسم گرم اور خشک رہنے کا امکان ہے ۔تاہم مالاکنڈ ڈویژن اور بالائی فاٹا میں چند مقامات پرگرج چمک کے ساتھ بارش کا امکان ہے۔ اتوار کو محکمہ موسیات کی جاری رپورٹ کے مطابق گزشتہ24 گھنٹوں کے دوران ملک کے بیشتر علاقوں میں موسم گرم اور خشک رہا۔

(جاری ہے)

تاہم مالاکنڈ، ہزارہ، پشاور، ڈی آئی خان، لاہور ڈویژن اورکشمیرمیں چند مقامات پرتیزہواوں اور گرج چمک کے ساتھ بارش ہوئی۔سب سے زیادہ بارش خیبرپختونخوا، کالام، میرکھانی 08، دیر 04، دروش 03، چترال 02، بالاکوٹ، پشاور 01،کشمیر: مظفرآباد09، پنجاب: لاہور میں 01ملی میٹررریکارڈ کی گئی۔گزشتہ روز ریکارڈکیے گئے گرم ترین مقامات سبی، لسبیلہ، شہید بینظر آباد، چھور، مٹھی45 ، بدین، ٹھٹھ، دادواور ٹنڈوجام میں 43 ڈگری سینٹی گریڈ ریکارڈ کیا گیا۔