الیکشن کمیشن نے انتخابات2018 کا سکیورٹی پلان فائنل کر لیا ،ْ سکیورٹی پاک فوج کے سپرد ہوگی

انتخابات میں پاک فوج، رینجرز، ایف سی او رپولیس کی مدد لی جائے گی ،ْحکام الیکشن کمیشن

اتوار مئی 13:30

اسلام آباد (اُردو پوائنٹ اخبارتازہ ترین۔ 20 مئی2018ء) الیکشن کمیشن نے انتخابات2018 کا سکیورٹی پلان فائنل کر لیا ،جس کے تحت انتخابات 2018 میں سکیورٹی پاک فوج کے سپرد ہوگی۔

(جاری ہے)

الیکشن کمیشن کے ذرائع کے مطابق انتخابات میں پاک فوج،، رینجرز،، ایف سی او رپولیس کی مدد لی جائے گی ،،الیکشن کمیشن نے صوبائی حکومتوں کو پولنگ سٹیشن کی سکیورٹی بہتر کرنے کی ہدایات جاری کردی ہیں،،الیکشن کمیشن کے مطابق ڈی آر اوزاور ریٹرننگ افسرکو سخت سکیورٹی فراہم کی جائے گی اورسکیورٹی اہلکار پولنگ سٹیشن کے اندراور باہر تعینات ہونگے ۔

الیکشن کمیشن نے کہا کہ انتہائی حساس پولنگ سٹیشن پر سی سی ٹی وی کیمرے نصب ہونگے اورانتخابی مہم کے دوران سے سکیورٹی ادارے اپنا کام شروع کر دیں گے ،،الیکشن کمیشن کا کہنا ہے کہ امیدواروں اورسیاسی جماعتوں کے قائد ین کو سکیورٹی دی جائے گی۔