پنجاب ایگری ایکسپو 2018 آئندہ ماہ منعقد ہو گی

پنجاب کی پہلی ہارٹی ایکسپو کی عالمی پذیرائی کے بعد ایگری ایکسپو کے انعقا د کا فیصلہ کیا گیا

اتوار 20 مئی 2018 15:00

راولپنڈی ۔ (اُردو پوائنٹ اخبارتازہ ترین - اے پی پی۔ 20 مئی2018ء) محکمہ زراعت پنجاب نے زرعی مصنوعات کی عالمی مارکیٹنگ کے لیے ’’ ایگری ایکسپو 2018 ‘‘ کے انعقاد کا فیصلہ کیا ہے ۔

(جاری ہے)

محکمہ زراعت راولپنڈی کے ترجمان ہارون خان نے اے پی پی کو بتایاکہ محکمہ زراعت پنجاب نے قبل ازیں جنوری میں اپنی نوعیت کی پہلی ’’ہارٹی ایکسپو ‘‘کا کامیاب انعقاد کیا تھا جس کی عالمی سطح پر پذیرائی کے بعد اب محکمہ زراعت پنجاب نے آئندہ ماہ پہلی ’’پنجاب ایگری ایکسپو ‘‘کے انعقاد کا فیصلہ کیا ہے ۔

اسنمائشں میںزراعت کے شعبے سے وابستہ کاشتکار،امپورٹرز،ایکسپوٹرز اورکمپنیاں اپنی مصنوعات کو نمائش کیلئے پیش کر سکیں گی ۔پنجاب ایگری ایکسپو 2018 میں100 سے زائد بین الاقوامی کمپنیاں بھی حصہ لیں گی اور کاروباری حضرات کیلئے اس نمائش میں اپنی مصنوعات کو بین الاقوامی پلیٹ فارم پر اجاگر کرنے کے وسیع مواقع موجود ہوں گے ۔زرعی ترجمان نے قومی خبی ایجنسی کو مزید بتایاکہ پنجاب ایگری ایکسپو 2018 جون کی 23تاریخ کو صوبائی دارالحکومت میںمنعقد ہو گی ۔