مارچ میں ملک میں خدمات کے شعبے کی برآمدات میں 40فیصد کمی رہی

اتوار 20 مئی 2018 15:40

اسلام آباد ۔ (اُردو پوائنٹ اخبارتازہ ترین - اے پی پی۔ 20 مئی2018ء) مارچ کے مہینے میں ملک میں خدمات کے شعبے کی برآمدات میں 40فیصد کمی ریکارڈ کی گئی۔ادارہ شماریات پاکستان کے اعدادوشمارکے مطابق مارچ 2018کے دوران خدمات کے شعبے میں برآمدات میں مجموعی طورپر40.5فیصد کی کمی ریکارڈ گئی اوربرآمدات کا حجم 427.8ملین ڈالرریکارڈ کیاگیا۔

(جاری ہے)

اعدادوشمارکے مطابق جولائی سے لیکر مارچ کے مہینے تک ملک میں خدمات کے شعبے کی برآمدات کا میں 10.49فیصد کی کمی ریکارڈ کی گئی اوربرآمدات کاحجم 3.86ارب روپے ریکارڈ کیاگیا۔اس کے برعکس خدمات کے شعبے کی درآمدات میں 7.2فیصداضافہ ریکارڈ کیا گیا۔ماہانہ بنیادوں پرمارچ کے مہینے میں خدمات کے شعبے میں درآمدات میں 9.7فیصدکی کمی ریکارڈ کی گئی۔