قلات شہر میں ذخیرہ اندوزں کے خلاف کریک ڈائون ، پندرہ تاجروں کو بھاری جرمانہ عائد

اتوار 20 مئی 2018 17:30

قلات(اُردو پوائنٹ اخبارتازہ ترین - این این آئی۔ 20 مئی2018ء) قلات انتظامیہ حرکت میں آگئی شہر میں مہنگائی پیدا کرنے اور زخیرہ اندوزں کے خلاف کریک ڈائون ، سرکاری نرخوں کی پابندی نہ کرنے اور مہنگائی فروخت کرنے والے پندرہ تاجروں کو بھاری جرمانہ عائد کیا گیا اور پانچ تاجروں کو حوالا ت کی بھی ہوا کھانی پڑی ،قلات میں گزشتہ روز اسسٹنٹ کمشنر قلات اور چیئرمین ڈسٹر کٹ پرائس کنٹرول کمیٹی عبدالستار مینگل کی قیادت میں ڈسٹرکٹ پرئس کنٹرول کمیٹی کے دیگر ممبران ویٹرنری آفیسر ڈاکٹر محمد آصف نورزئی میونسپل کمیٹی کے اسسٹنٹ اور دیگر ممبران نے شہر کے مختلف علاقوں میں چھاپہ مارا مہنگائی پیداکرنے والے تاجروں کے خلاف کاروائی کر تے ہوئے پندرہ تاجروں کو بھاری جرمانہ کیا جبکہ پانچ تاجروں کو گرفتار کر کے جیل بھیج دیا گیا جبکہ متعدد تاجروں تنبیہ بھی گیا گیا ،اس موقع پر اسسٹنٹ کمشنر عبدالستار میں نے میڈیا سے گفتگو کرتے ہوئے کہا کہ عوام ڈسٹرکٹ پرائس کنٹرول کمیٹی کے ساتھ تعاون کرے اور منافع خوروں کے خلاف فوری طور پر ڈسٹرکٹ پرائس کنٹرول کمیٹی کے اطلاع دیں انہوں نے کہا کہ سرکاری ریٹ لسٹ کے مطابق فروخت نہ کر نے والے تاجروں کے خلاف سخت کروائی کریں گے ،انہوں نے شہریوں سے اپیل کی ہے کہ مہنگائی پیداکرنے والے تاجروں کی اطلاع ضرور لیویز تھانہ قلات اسسٹنٹ کمشنر آفس قلات میں دیں تاکہ ان مہنگائی پیدا کرنے والے عناصر کے خلاف بھر پو ر کاروائی کیا جاسکیں ۔