رینجرز کی پرانا گولیمار میں گوٹھ پر چھاپہ، خالی پلاٹ کے اندر زیر زمین چھپایا گیا اسلحہ اور ایمونیشن برآمد

اتوار 20 مئی 2018 18:10

کراچی (اُردو پوائنٹ اخبارتازہ ترین - این این آئی۔ 20 مئی2018ء) پاکستان رینجرز (سندھ)نے انٹیلی جنس معلومات کی بنیاد پرکارروائی کرتے ہوئے پرانے گولیمارکے علاقے واجہ ولی محمد گوٹھ میں واقع ایک خالی پلاٹ کے اندر زیر زمین چھپایا گیا اسلحہ اور ایمونیشن بر آمد کر لیا۔اطلاعات کے مطابق یہ اسلحہ لیاری گینگ وار (عزیر بلوچ گروپ)کے شر پسند عناصر نے شہر میں دہشت گردی اور بدامنی کے لیے استعمال کر نا تھا۔

(جاری ہے)

بر آمد کیے گئے اسلحہ اور ایمونیشن کی تفصیل در ج ذیل ہے۔ اسلحہ میں عدد ایس ایم جیزبمعہ 12 عدد میگزین، 2عدد آوان بم اور 2570 عددمختلف اقسام کے رائونڈز برآمد ہوئے ہیں۔ رینجرز نے عوام سے اپیل ہے کہ وہ دہشت گردی کی روک تھا م کے لیے قانون نافذ کرنے والے اداروں کا ساتھ دیں اور مشکوک سرگرمی میں ملوث عناصر کی اطلاع فور ی طور پر رینجرز ہیلپ لائن 1101 ، رینجرز مددگار واٹس ایپ نمبر03162369996 پر کال یا ایس ایم ایس کے ذریعے دیں۔