عمران خان کی 100 وکٹیں عمران کا نہیں وکٹ کا کمال ہے، شجاعت حیدر نقوی

ہر چار سال بعد ایسی وکٹ تیار ہوجاتی ہے جو باولر کو مدد دیتی ہے عمران خان جب بلاول کے سامنے بیٹنگ کریں گے تو پتہ چلے گا کون کھلاڑی ہے اور کون پرچی والا، کارکنوں سے خطاب

اتوار مئی 22:40

راولپنڈی (اُردو پوائنٹ اخبارتازہ ترین۔ 20 مئی2018ء) پیپلز پارٹی راولپنڈی کے سابق سیکریٹر ی اطلاعات شجاعت حیدر نقوی نے کہا ہے کہ عمران خان کی 100 وکٹیں عمران کا نہیں وکٹ کا کمال ہے ہر چار سال بعد ایسی وکٹ تیار ہوجاتی ہے جو باولر کو مدد دیتی ہے عمران خان جب بلاول کے سامنے بیٹنگ کریں گے تو پتہ چلے گا کون کھلاڑی ہے اور کون پرچی والا۔

(جاری ہے)

ان خیالات کا اظہار یوسی 40 میں افطار کے موقع پر کارکنوں سے خطاب کرتے ہوئے کیا اٴْنھوں نے کہا ختم نبوت کے قانون میں تبدیلی اور افواج پاکستان پر الزامات کی کڑیاں آپس میں مل رہی ہیں نواز شریف بمبئی حملوں میںہلاک افراد کیلئے دکھی ہیں اور ملزموں کو سزا دلوانے کیلئے بے چین ہیں جبکہ لاکھوں پاکستانیوں کو دہشت گردی میں ہلاک کرنے والے کون ہیں کچھ نہیں بتاتے اٴْنھوں نے کہا پاکستان کے غریب محنت کش اور نوجوان صرف بلاول بھٹو سے پٴْر امید ہیں اور اٴْنکو ہی وزیر اعظم دیکھنا چاہتے ہیں۔