ارجنٹائنی پلیئر جان مارٹن ڈیل پوٹرو کی فٹنس مسائل کے باعث فرنچ اوپن میں شرکت مشکوک

فرنچ اوپن 27 مئی سے 10 جون تک کھیلا جائے گا ،ْ مارٹن کی انجری میں مبتلا ہونے کی تصدیق

پیر 21 مئی 2018 12:57

پیرس (اُردو پوائنٹ اخبارتازہ ترین - این این آئی۔ 21 مئی2018ء) ارجنٹائنی ٹینس سٹار اور عالمی نمبر چھ جان مارٹن ڈیل پوٹرو کی فٹنس مسائل کے باعث رواں ماہ شیڈول سال کے دوسرے گرینڈسلام ٹورنامنٹ فرنچ اوپن میں شرکت مشکوک ہو گئی، وہ اٹالین اوپن کے دوران گرائون سٹرین انجری کا شکار ہوئے تھے۔

(جاری ہے)

ڈیل پوٹرو نے تصدیق کی کہ میں گرائون سٹرین گریڈ ون انجری میں مبتلا ہو گیا ہوں، ڈاکٹرز نے آرام کا مشورہ دیا ہے اسلئے آئندہ چند دنوں میں فرنچ اوپن میں شرکت کے بارے حتمی فیصلہ کروں گا۔ واضح رہے کہ فرنچ اوپن 27 مئی سے 10 جون تک کھیلا جائے گا۔