آزاد کشمیر بجٹ‘ ترقیاتی میزانیہ2018-19کا% 41مواصلات،14%بجلی،9%فزیکل پلاننگ وہاوسنگ، 8% لوکل گورنمنٹ ، 6% بیرونی امداد سے روبہ عمل منصوبہ جات جبکہ بقیہ22%فیصد دیگر سیکٹرز کے لئے مختص

پیر مئی 16:51

مظفرآباد (اُردو پوائنٹ اخبارتازہ ترین۔ 21 مئی2018ء) آزادکشمیر کے وزیر خزانہ ڈاکٹر نجیب نقی نے پیر کے روز اپنی بجٹ تقریر میں آزاد کشمیر کے ترقیاتی میزانیہ،مالی سال 2018-19ء کی چیدہ چیدہ خصوصیات بیان کرتے ہوئے بتا یا کہ ترقیاتی میزانیہ2018-19کا% 41مواصلات،14%بجلی،9%فزیکل پلاننگ وہاوسنگ، 8% لوکل گورنمنٹ ، 6% بیرونی امداد سے روبہ عمل منصوبہ جات جبکہ بقیہ22%فیصد دیگر سیکٹرز کے لئے رکھا گیا ہے ۔

(جاری ہے)

انہوں نے کہاکہ آزاد کشمیر میں سلائیڈ ٹریٹمنٹ ،روڈ سیفٹی اور انٹری پوائنٹس پر Weigh Stations کے قیام کے منصوبہ جات پر عملدرآمد کیا جائیگا ، وزیر اعظم کمیونٹی انفراسٹرکچر پروگرام کے تحت آئندہ مالی سال میں اس مقصد کے لئے ایک ارب 30کروڑ 50لاکھ روپے رکھنے کی تجویز ہے ۔عوام کو بجلی کی بلا تعطل فراہمی کے لئے آئندہ مالی سال کے دوران مزید 425 ٹرانسفارمر فراہم کئے جائیں گے ۔ مزید برآں بجلی کی ترسیل کے نظام کو بہتر بنانے کے لئے ٹرانسمیشن لائنز کی بحالی و بہتری کے نئے منصوبہ جات پر عملدرآمدکیا جائیگا جس سے لائن لاسز کو کم کرنے میں مدد ملے گی۔

متعلقہ عنوان :