حکومت پنجاب نے آزاد کشمیر کو اضافی طور پر ڈیڑھ ارب کی گرانٹ فراہم کی ، شہباز شریف کے انتہائی شکر گزار ہیں، وزیر خزانہ ڈاکٹر نجیب نقی

پیر 21 مئی 2018 18:44

مظفرآباد (اُردو پوائنٹ اخبارتازہ ترین - آن لائن۔ 21 مئی2018ء) آزادکشمیر کے وزیر خزانہ ڈاکٹر نجیب نقی نے پیر کے روز اپنی بجٹ تقریر میں کہا کہ حکومت پنجاب نے آزاد کشمیر کو اضافی طور پر ڈیڑھ ارب روپے کی گرانٹ فراہم کی ہے جس کیلئے ہم وزیر اعلیٰ پنجاب شہباز شریف کے انتہائی شکر گزار ہیں اس رقم میں سے 75کروڑ روپے کی رقم سیEducation Endowment Fundقائم کیا گیا ہے، جس کے منافع سے ہونہار طلبا و طالبات کو اعلیٰ تعلیم کے حصول کیلئے وظائف دئیے جائیں گئے ۔

(جاری ہے)

جبکہ 75 کروڑ روپے کی رقم سے فنی وغیر فنی افراد کو کاروبار کیلئے بلا سود قرضہ جات فراہم کئے جائیں گئے تاکہ خطے میں کاروبار اور روزگار کے بہتر مواقع دستیاب ہو سکیں۔