پیپلز پارٹی کا منشور عوام دوست ہے ، ہماری سیاست کا مقصد عوام کی خدمت کرنا ہے ،مہرین انور راجہ

پیر 21 مئی 2018 21:29

لاہور (اُردو پوائنٹ اخبارتازہ ترین - آن لائن۔ 21 مئی2018ء) سابق وزیر مملکت انصاف و پارلیمانی امور مہرین انور راجہ نے کہا ہے کہ پیپلز پارٹی کا منشور عوام دوست ہے ، ہماری سیاست کا مقصد عوام کی خدمت کرنا ہے ، آصف علی زرداری کی عوام دوست سیاست سے کچھ سیاسی جماعتیں پریشان ہیں ، ایک بیان میں انہوں نے کہاکہ آصف علی زرداری کی لاہور آمد سے پنجاب کی سیاست میںہلچل پیدا ہوجاتی ہے ، دنیا جانتی ہے کہ آصف علی زرداری مستند سیاستدان ہیں اور یہ ہی وجہ ہے کہ دوسری جماعتوں سے سیاستدان پیپلزپارٹی میں شامل ہورہے ہیں ، انہوں نے کہاکہ ہمیں کسی جماعت سے اتحاد کی ضرورت نہیں لیکن جب بھی جمہوریت کے استحکام کا معاملہ سامنے آیاتو ہم نے دوسری جماعتوں سے مل کر لائحہ عمل طے کی ،پیپلزپارٹی جمہوری اصولوں پر یقین رکھتی ہے اور جمہوریت کی مضبوطی کے لئے کردار ادا کررہی ہے۔