بحیرہ عرب میں آئندہ 24 گھنٹوں میں طوفان کا خطرہ ہے، محکمہ موسمیات نے الرٹ جاری کردیا

منگل 22 مئی 2018 19:21

کراچی (اُردو پوائنٹ اخبارتازہ ترین - آن لائن۔ 22 مئی2018ء) محکمہ موسمیات کے مطابق بحیرہ عرب میں آئندہ 24 گھنٹوں میں طوفان کا خطرہ ہے اور یہ طوفان عمان و یمن کے ساحلی علاقوں سے ٹکرائے گا۔محکمہ موسمیات نے عندیہ دیا ہے کہ آئندہ 24 گھنٹوں کے دوران کسی بھی وقت بحیرہ عرب میں طوفان آسکتا ہے۔

(جاری ہے)

محکمہ موسمیات کا کہنا ہے کہ عمان کے جزیرے میسرا سے 740 ناٹیکل میل کی دوری پر جنوب مغربی بحیرہ عرب میں شدید ہوا کا کم دباو موجود ہے اور یہی ہوا کا کم دباو آئندہ 24 گھنٹوں میں طوفان کی شکل اختیار کرجائے گا۔یہ طوفان عمان اور یمن کے درمیان ساحلی علاقوں سے ٹکرائے گا تاہم پاکستان کے ساحلی مقامات پر اس طوفان کے کوئی بھی اثرات نمودار نہیں ہوں گی