پاکستان اور بھارت کی شمولیت کے بعد ایس سی او کی ذمہ داریاں بڑھ گئی ہیں، چینی صدر
تنظیم خطے کے مختلف ممالک کے عوام اور عالمی برادری سے مزید زیادہ توقع رکھتی ہے ، چین اپنی سلامتی کو خطے کی سلامتی سے ملائے گا ،تمام رکن ممالک کیساتھ باہمی احترام ، انصاف اور تعاون و مشترکہ ترقی کے حامل نئے بین الاقوامی تعلقات اور بنی نوع انسان کے ہم نصیب معاشرے کے قیام کیلئے بھر پور کوشش کرتا رہے گا شی جن پنگ کی شنگھائی تعاون تنظیم سیکیورٹی کانفرنس میں شریک مختلف ممالک کے وفود کے سربراہان سے ملاقات میں گفتگو
منگل 22 مئی 2018 22:10
(جاری ہے)
اس موقع پر چینی صدر شی جن پنگ نے کہا کہ شنگھائی تعاون تنظیم کے قیام کے بعد اس تنظیم نے خطے کی سلامتی کو ترجیح دیتے ہوئے مشرقی ترکستان تحریک کی شدت پسندانہ کاروائیوں کے خلاف سخت اقدامات جبکہ انتہا پسند ی، دہشت گردی اور علیحدگی پسندوں کی حوصلہ شکنی نیز خطے میں امن و امان اور ترقی و خوشحالی کے لئے اہم کردار ادا کیا ۔
شی نے کہا کہ اس وقت اس خطے میں سلامتی کی صورتحال نسبتا مستحکم ہے تاہم سنگین چیلنجز کا سامنا بھِی ہے ۔ اس لئے تنظیم کے تمام رکن ممالک کیساتھ مل کر باہمی اعتماد میں اضافہ کرتے ہوئے تعاون کے ذریعے سلامتی کا ایک نیا انتظامی نظام قائم کیا جائے جس سے شنگھائی تعاون تنظیم سلامتی کے لیے تعاون کے ایک نئے مرحلے میں داخل ہو گی ۔ انہوں نے کہا کہ بھارت اور پاکستان کی اس تنظیم میں شمولیت کے بعد شنگھائی تعاون تنظیم کے سکیورٹی تعاون میں زیادہ امکانات ہیں تاہم ذمہ داریاں بھی بڑھ گئی ہیں ۔یہ تنظیم خطے کے مختلف ممالک کے عوام اور عالمی برادری سے مزید زیادہ توقع رکھتی ہے ۔ اس طرح شنگھائی تعاون تنظیم کے رکن ممالک کی سکیورٹی کانفرنس کے سیکرٹریز کے اجلاس کے نظام کو موجودہ بدلتی ہوئی صورتحال کے مطابق اپنے کردار کو مزید بہتر کرنا چاہئے ۔صدر شی نے مزید کہا کہ چین اپنی سلامتی کو اس خطے کی سلامتی سے ملائے گا اور چین تمام رکن ممالک کے ساتھ باہمی احترام ، انصاف اور تعاون و مشترکہ ترقی کے حامل نئے بین الاقوامی تعلقات اور بنی نوع انسان کے ہم نصیب معاشرے کے قیام کے لئے بھر پور کوشش کرتا رہے گا ۔متعلقہ عنوان :
مزید اہم خبریں
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
الزامات عمومی نوعیت کے ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.