مقبوضہ کشمیر سمیت بھارت میں مسلم اقلیتوں کی نسل کشی سے سیکولر بھارت کا نام نہاد چہرہ بے نقاب ہوگیاہے، ممتاز سہتو

منگل مئی 22:52

کراچی(اُردو پوائنٹ اخبارتازہ ترین۔ 22 مئی2018ء) جماعت اسلامی سندھ کے جنرل سیکرٹری ممتاز حسین سہتو ایڈووکیٹ نے کہا ہے کہ مقبوضہ کشمیر سمیت پورے بھارت میں مسلم اقلیتوں کی نسل کشی سے سیکولر بھارت کا نام نہاد چہرہ بے نقاب ہوگیاہے، اقوام متحدہ سمیت عالمی ادارے بھارت کی انسانیت دشمن کاروائیوں کا نوٹس اور مسلم اقلیتوں کی جان ومال کے تحفظ کو یقینی بنانے کیلئے اپنا کردار ادا کریں۔

(جاری ہے)

انہوں نے منگل کو ایک بیان میں کہا کہ بھارتی انتہاپسندوں کی مسلمانوں کے ساتھ ہتک آمیز سلوک اور بھارتی فوج نے مقبوضہ کشمیر میں کشمیریوں کی نسل کشی اور انسانیت سوز مظالم کی تمام حدیں پار کردیں ہیں حتیٰ کہ مسلمانوں کے مقدس مہینہ رمضان شریف میں بھی روزہ،تراویح،سحری وافطاری کے دوران مختلف طریقوں سے اذیت دیکر پریشان کیا جارہا ہے۔

ابتک گائے ذبح کرنے کے الزام میں کئی مسلمانوں کو شہید کیا جاچکا ہے۔۔بھارتی وزیراعظم نریندرامودی جب سے اقتدار میں آئے ہیں مسلمانوں کیلئے زمین تنگ کردی گئی ہے۔مسلمانوں کو اپنی مرضی سے عبادت کرنے کے حق سے بھی محروم کردیا گیا ہے جو کہ انسانی حقوق اور مذہبی آزادیوں کے سراسر خلاف ہے،اقوام عالم کو بھارتی ظلم کا نوٹس لیکر مسلم اقلیتوں کے تحفظ کیلئے اپنا کردار ادا کرنا چاہئے۔