سعودی عدالت نے چینی کمپنی کو 38ملین ریال معاوضہ ادا کر نے کا حکم دیدیا

بدھ 23 مئی 2018 16:50

جدہ(اُردو پوائنٹ اخبارتازہ ترین - آن لائن۔ 23 مئی2018ء) سعودی عدالت نے سونا تلاش کرنے والی ایک سعودی کمپنی کو پابند کیا ہے کہ وہ چینی کمپنی کو 38ملین ریال معاوضہ ادا کرے۔ غیر ملکی نشریاتی ادارے کے مطابق دونوں کمپنیوں کے درمیان اختلاف کے بعد چینی کمپنی نے جدہ کی عدالت میں کیس دائر کیا تھا جس کا فیصلہ اس کے حق میں آیا۔

(جاری ہے)

عدالتی فیصلے میں کہا گیا کہ دونوں کمپنیوں کے موقف کی سماعت اور دستاویزات کے جائزے کے بعد معلوم ہوا ہے کہ چینی کمپنی دعوے میں حق بجانب ہے۔

سعودی کمپنی اسی 5دن کے اندر 38 ملین ریال ادا کرے۔ دوسری جانب سعودی کمپنی نے فیصلہ تسلیم کرتے ہوئے چینی کمپنی کو تمام واجبات ادا کرنے کا وعدہ کیا ہے۔ قانونی ماہرین نے عدالتی فیصلے کو سراہتے ہوئے کہا کہ اس طرح کے فیصلوں سے غیر ملکی سرمایہ کاروں کو مملکت میں سرمایہ کاری کا حوصلہ ملے گا