شکر گڑھ سیکٹر اور سیالکوٹ میں بھارتی اشتعال انگیزی‘ایک شہری شہید‘ 4 زخمی

چناب رینجرز نے بھرپور جوابی کارروائی کرتے ہوئے دشمن کی بندوقوں کو خاموش کروا دیا

بدھ مئی 16:40

شکر گڑھ (اُردو پوائنٹ اخبارتازہ ترین۔ 23 مئی2018ء) : مکار دشمن بھارت جارحیت سے باز نہ آیا۔ آج پھر شکر گڑھ سیکٹر اور سیالکوٹ میں بھارتی فورسز کی فائرنگ سے ایک شہری شہید جبکہ ایک خاتون سمیت چارافراد زخمی ہو گئے۔ زخمیوں کو اسپتال منتقل کر دیا گیا ہے۔

(جاری ہے)

چناب رینجرز نے بھرپور جوابی کارروائی کرتے ہوئے دشمن کی بندوقوں کو خاموش کروا دیا۔واضح رہے گزشتہ کئی روز سے بھارتی سیکیورٹی فورسز کی جانب بلا اشتعال فائرنگ اور گولہ باری کا سلسلہ جاری ہے۔ شہری آبادی والے علاقوں میں شیلنگ اور گولہ باری سے جانی نقصان روز بڑھ رہا ہے۔ علاقے سے لوگ نقل مکانی بھی کر رہے ہیں۔