آزادکشمیر حکومت خطہ میں سیاحتی فروغ کے لیے سیاحوں کو سہولیات فراہم کرے،

سیاحتی مقامات پر مصنوعی مہنگائی کو کنٹرول کیا جائے‘ سیاحوں کی گائیڈلائن کے لیے جامع حکمت عملی اختیار کی جائے پاکستان پیپلزپارٹی آزادکشمیر کے مرکزی رہنماسردار محمد صادق کی میڈیا سے بات چیت

بدھ 23 مئی 2018 18:02

مظفرآباد (اُردو پوائنٹ اخبارتازہ ترین۔ 23 مئی2018ء) پاکستان پیپلزپارٹی آزادکشمیر کے مرکزی رہنما، صدربلاول بھٹو فورس متحدہ عرب امارات سردار محمد صادق نے کہا ہے کہ آزادکشمیر حکومت خطہ میں سیاحتی فروغ کے لیے سیاحوں کو سہولیات فراہم کرے، سیاحتی مقامات پر مصنوعی مہنگائی کو کنٹرول کیا جائے، سیاحوں کی گائیڈلائن کے لیے جامع حکمت عملی اختیار کی جائے، گزشتہ روز میڈیا نمائندوں سے بات چیت کرتے ہوئے انہوں نے کہا کہ آزادکشمیر کو قدرت نے حسن عطا کررکھا ہے جس کا دیدار دنیا کے ہرشخص کی خواہش ہے، اسی لیے لاکھوں سیاح سالانہ آزادکشمیر کارخ کرتے ہیں ان سیاحوں کی آمد سے جہاں ریاستی آمدن میں اضافہ ہوتا ہے وہاں مقامی لوگوں کا روزگار بھی وابستہ ہے، اس لیے آزادکشمیر حکومت خطہ میں سیاحتی فروغ کے لیے سیاحوں کو ہرممکن سہولیات فراہم کرئے، سیاحتی مقامات پر مصنوعی مہنگائی کو کنٹرول کیا جائے، سیاحوں کو رہنمائی فراہم کرنے کا مثبت اہتمام کیا جائے، سیاحوں کیساتھ اداروں کو حسن سلوک سے پیش آنے کا پابند کیا جائے تاکہ ریاست میں خوشحالی کیدور کا عملی آغاز ہو۔