(ن) لیگ کا اصل بیانہ ’’کر پشن بچائو ‘‘ ہے جو جمہوریت دشمنی ہے ‘سینیٹر چوہدری محمدسرور

آنیوالی حکومت تحر یک انصاف کی ہوگی اور عمران خان کو وزیر اعظم بننے سے دنیا کی کوئی طاقت نہیں روک سکتی ‘دفود سے گفتگو

بدھ 23 مئی 2018 18:15

(ن) لیگ کا اصل بیانہ ’’کر پشن بچائو ‘‘ ہے جو جمہوریت دشمنی ہے ‘سینیٹر ..

لاہور(اُردو پوائنٹ اخبارتازہ ترین - این این آئی۔ 23 مئی2018ء) تحر یک انصاف کور کمیٹی کے رکن وسینیٹر چوہدری محمدسرور نے کہا ہے کہ (ن) لیگ کا اصل بیانہ ’’کر پشن بچائو ‘‘ ہے جو جمہوریت دشمنی ہے،(ن) لیگی قیادت کے پاس اپنی بے گناہی کا کوئی ثبوت ہے تو عدالت میں کیوں نہیں دیتے ،آنیوالی حکومت تحر یک انصاف کی ہوگی اور عمران خان کو وزیر اعظم بننے سے دنیا کی کوئی طاقت نہیں روک سکتی کیونکہ قوم تبدیلی کے حق میں فیصلہ سنا چکے ہیں ۔

وہ بدھ کے روز پارٹی دفتر میں مختلف علاقوں سے آنیوالے دفود سے گفتگو کر رہے تھے تحر یک انصاف کور کمیٹی کے رکن وسینیٹر چوہدری محمدسرور نے کہاکہ حکمران اب پاکستان کے اداروں کو دھمکیاں دے رہے ہیں مگر ان کے تمام عزائم ناکام ہوں گے اوراس میں کوئی شک نہیں کہ عوام اب ملک دشمنوں کو ہر محاذپر نشانہ عبر ت بنادیں گے ۔

(جاری ہے)

انہوں نے کہا کہ پاکستان میں پار لیمنٹ اور جمہوریت تب ہی مضبوط ہوگی جبکہ ملک میں سیاستدان اقتدار میں آکر اپنی جیب بھر نے کی بجائے ملک اور قوم کی خدمت کر یں گے مگر بدقسمتی سے قیام پاکستان کے بعدسے اقتدار میں آنیوالوں نے ملک میں لوٹ مار کے سواکچھ نہیں کیا جسکی وجہ سے آج جمہوریت اور پار لیمنٹ کمزور ہے ۔

انہوں نے کہا کہ (ن) لیگ والے اپنی کر پشن بچانے کیلئے نیب کو آنکھیں دکھا رہے ہیںاور اس میں کوئی شک نہیں کہ حکمرانوں کا ایجنڈہ صرف اور صرف کر پشن کا بچائو ہے ۔