پاکستانی ٹیم انگلش ٹیم کودبا ئومیں لانے کی اہل ہے،مکی آرتھر

نوجوان کھلاڑی انگلینڈ کودبائو میں رکھنے کے اہل ہیں،اظہرعلی اوراسد شفیق مصباح اوریونس کاخلا پرکرنے کی پوری صلاحیت رکھتے ہیں، میزبان ٹیم بیٹنگ آرڈر میں مسائل کا شکارہے جس سے بولرز فائدہ اٹھائیں گے،محمدعامرمکمل فٹ اوربہترین پرفارمنس کے لئے بے چین ہے،ہیڈکوچ کی لارڈز میں میڈیا سے گفتگو

بدھ 23 مئی 2018 22:29

پاکستانی ٹیم انگلش ٹیم کودبا ئومیں لانے کی اہل ہے،مکی آرتھر
لندن(اُردو پوائنٹ اخبارتازہ ترین - آئی این پی۔ 23 مئی2018ء) پاکستان ٹیم کے ہیڈ کوچ مکی آرتھر نے کہاہے کہ ہماری ٹیم نوجوان اورناتجربہ کارلیکن شکست کے خوف سے آزاد اورانگلش ٹیم کودبائو میں لانے کی اہل ہے۔مکی آرتھر نے پریس کانفرنس میں کہاکہ دوسال قبل پاکستان نے انگلینڈ سے سیریز دو،دوسے برابرکی تھی۔اس ٹیم میں شامل یونس خان،مصباح الحق اوریاسرشاہ موجود نہیں ہیں۔

لیکن ہماری نوجوان اورناتجربہ کارٹیم شکست کے خوف سے آزاداوراٹیکنگ کرکٹ کھیلنے کیلئے تیارہے۔انہوں نے کہاکہ انگلش ٹیم کوآسٹریلیا اورنیوزی لینڈ میں مسلسل دوسیریز میں شکست ہوئی۔ پاکستان سے سیریز نہ جیتنے پربغیرٹیسٹ کے ان کی13ٹیسٹ ہوجائیں گے۔ جوانگلش ٹیم کافتح کے بغیرطویل ترین دورانیہ ہوگا۔اس کے برعکس پاکستان ٹیم کا مورال مقامی کنڈیشنز میں آئرلینڈ کوپانچ وکٹوں سے ہراکر بلند ہواہے۔

(جاری ہے)

ہیڈ کوچ کاکہناتھا کہ ہمارے نوجوان کھلاڑی انگلینڈ کودبائو میں رکھنے کی اہل ہیں۔اظہرعلی اوراسد شفیق عظیم مصباح اوریونس کاخلا پرکرنے کی پوری صلاحیت رکھتے ہیں۔ انہیں علم ہے کہ یہ بڑے میچوں کی کھلاڑی ہیں۔جبکہ نئے انگلش چیف سلیکٹرایڈ اسمتھ کی زیرنگرانی میزبان ٹیم بیٹنگ آرڈر میں مسائل کا شکارہے۔جس سے ہمارے بولرز فائدہ اٹھائیں گے۔مکی آرتھر نے کہاکہ محمدعامرمکمل فٹ اوربہترین پرفارمنس کے لئے بے چین ہے۔وہ موجودہ دورکابہترین سوئنگ بولرہے۔جس کی رفتار بھی کافی زیادہ ہے۔شاداب خان لیگ اسپنریاسرشاہ کی جگہ لینے کااہل ہیامام الحق نیٹورکے تین میچوں میں اتنی ہی ففٹیزبنائیں۔وہ اپنے انکل انضمام کے بالکل مختلف ہیں۔