بین الاقوامی گولڈ مارکیٹ میں فی اونس سونے کی قیمت1ڈالرکی کمی ریکارڈ

جمعرات مئی 17:48

بین الاقوامی گولڈ مارکیٹ میں فی اونس سونے کی قیمت1ڈالرکی کمی ریکارڈ
کراچی (اُردو پوائنٹ اخبارتازہ ترین۔ 24 مئی2018ء) بین الاقوامی گولڈ مارکیٹ میں فی اونس سونے کی قیمت1ڈالرکی کمی ریکارڈ کی گئی تاہم ملکی صرافہ مارکیٹوں میں فی تولہ سونا150روپے مہنگاہوگیا۔آل کراچی صراف اینڈ جیولرزایسوسی ایشن کے جاری کردہ اعدادوشمار کے مطابق جمعرات کوبین الاقوامی گولڈ مارکیٹ میں فی اونس سونے کی قیمت1ڈالرکی کمی ریکارڈ کی گئی، جس کے نتیجے میں فی اونس سونے کی قیمت1297ڈالرسے گھٹ کر1296ڈالر ہوگئی۔

(جاری ہے)

جمعرات کوملکی صرافہ مارکیٹوں میںفی تولہ اور فی دس گرام سونے کی قیمتوں میں بالترتیب150 روپے اور125روپے کا اضافہ ہوگیا ہے جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت 57500روپے سے بڑھ کر57650روپے اور فی دس گرام سونے کی قیمت 48997روپے سے بڑھ کر49425روپے ہوگئی ۔جمعرات کوفی تولہ چاندی کی قیمت میں5روپے اور10گرام چاندی کی قیمت میں4.44روپے کا اضافہ ریکارڈ کیاگیا،جس کے نتیجے میں فی تولہ چاندی کی قیمت 760روپے سے بڑھ کر765روپے اور فی دس گرام چاندی کی قیمت651.42 روپے سے بڑھ کر655.86روپے ہوگئی۔