چین 200اشیاء پر درآمدی ڈیوٹی کم کردیگا

اشیاء کی تفصیل نہیں بتائی گئی ،فیصلے کا اطلاق یکم جولائی سے ہوگا

جمعرات 24 مئی 2018 19:25

بیجنگ(اُردو پوائنٹ اخبارتازہ ترین - آئی این پی۔ 24 مئی2018ء) چین روزمرہ استعمال کی اشیاء جن میں خوراک سے لیکر کاسمیٹکس تک شامل ہیں درآمدی ڈیوٹی کم کرنے کا پروگرام تیار کر رہا ہے ۔چین نے اس کا عندیہ امریکی سیکرٹری تجارت کے آئندہ ہفتے بیجنگ کے ممکنہ دورے سے قبل دیا ہے ۔

(جاری ہے)

درآمدی ڈیوٹی میںکمی پر یکم جولائی سے عملدرآمد کیا جائیگا ۔ اس پروگرام کے مطابق تقریباً200اشیاء پر درآمدی ڈیوٹی کم کی جائیگی تاہم اس کی تفصیل نہیں بتائی گئی ۔ اس ہفتے بیجنگ نے اعلان کیا تھا کہ وہ کاروں کی درآمد پر 15سی25فیصد تک درآمدی ڈیوٹی کم کر رہا ہے ۔چینی حکومت کی یہ پالیسی صدر شی جن پھنگ کی اس پالیسی کا حصہ ہے جس کے ذریعے وہ چین کو ایک کھلی مارکیٹ کے طور پر پیش کرنا چاہتے ہیں ۔