سی آئی اے لاہورپولیس کا جرائم پیشہ عناصر کے خلاف گھیراتنگ

سٹریٹ کرائم میں ملوث خالدشہزاد بٹ ڈکیت گینگ گرفتار، متعددمقدمات ٹریس، لاکھوں روپے مالیت کی نقدی ودیگر قیمتی اشیاء برآمد

جمعرات 24 مئی 2018 22:41

لاہور (اُردو پوائنٹ اخبارتازہ ترین - آن لائن۔ 24 مئی2018ء) ایس پی سی آئی اے سید ندیم عباس کی ہدایت پر سی آئی اے پولیس کی ٹیمیں جرائم پیشہ عناصر کے خلاف سرگرم عمل ہیں۔جس پر ڈی ایس پی سی آئی اے کینٹ ڈویڑن لاہوررانا زاہد حسین کی نگرانی میں پولیس ٹیم نے انتہائی مطلوب خالدبٹ گینگ کی2ارکان کو گرفتار کر لیا۔ گرفتار ملزمان میںخالدشہزاد اور حیدرعلی عرف نعیم شامل ہیں۔

ملزمان کوجدید ٹیکنالوجی اورموثرانفارمیشن کو بروئے کار لاتے ہوئے پولیس ٹیم نے گرفتار کیا۔ ملزمان شارع عام پر گن پوائنٹ پر معصوم شہریوں کو یرغمال بناتے اور خوف و حراس پھیلاکر واردات کرتے۔جن سے متعددمقدمات ٹریس کیے گئے ہیں۔ملزمان سے لاکھوں روپے مالیت کی نقدی و دیگر قیمتی اشیاء برآمد کرنے کے علاوہ اسلحہ بھی برآمد کرلیاگیاہے۔

(جاری ہے)

یہ امر قابل ذکرہے کہ ملزمان سابقہ ریکارڈ یافتہ ہیںاورلاہور پولیس کو انتہائی مطلوب تھے۔خالدشہزاد بٹ ڈکیت گینگ کو ڈی ایس پی سی آئی اے کینٹ ڈویڑن لاہور نے اپنی ٹیم کے ہمراہ کامیاب کاروائی کرکے اس انتہائی مطلوب گینگ کو گرفتار کیا۔ملزمان کی گرفتاری پر ایس پی سی آئی اے سید ندیم عباس نے ڈی ایس پی سی آئی اے کینٹ ڈویڑن لاہور رانا زاہد حسین کی کارکردگی کو سراہتے ہوئے پولیس ٹیم کیلئے تعریفی اسناد کا اعلان کیا۔