لیبیا: ہوٹل کے سامنے کار بم دھماکہ، 7 افراد ہلاک، 10 زخمی ہو گئے

جمعہ مئی 14:54

ٹریپولی(اُردو پوائنٹ اخبارتازہ ترین۔ 25 مئی2018ء) لیبیا کا سیاحتی شہر بن غازی بم دھماکے سے لرز اٹھا جس کے نتیجے میں 7 افراد ہلاک اور 10 زخمی ہو گئے۔ کسی شدت پسند گروپ نے دھماکے کی ذمہ داری قبول نہیں کی۔

(جاری ہے)

پولیس کے مطابق شہر کے مصروف علاقے میں واقع ہوٹل کے سامنے دھماکا خیز مواد سے بھری کار کو اڑا دیا گیا، دھماکے سے ارد گرد کی عمارتوں کے شیشے ٹوٹ گئے اور انہیں نقصان پہنچا۔ سڑک کنارے کھڑی 8 گاڑیاں مکمل طور پر تباہ ہو گئیں۔ ریسکیو اہلکاروں نے زخمیوں کو ہسپتال داخل کروا دیا۔ لیبیا میں مصروف عمل کسی بھی شدت پسند گروپ نے دھماکے کی ذمہ داری قبول نہیں کی۔