خیرپور سینٹرل جیل میں غیر ملکی قیدی دل کا دورہ پڑنے سے جاں بحق

قیدی عبداللہ پٹھان کا تعلق افغانستان سے تھا‘دستاویزات نہ ہونے پر سزا کاٹ رہا تھا

جمعہ 25 مئی 2018 17:51

خیرپور(اُردو پوائنٹ اخبارتازہ ترین - آئی این پی۔ 25 مئی2018ء) صوبہ سندھ کے شہر خیرپور کی سینٹرل جیل میں ایک غیر ملکی قیدی مبینہ طور پر دل کا دوہ پڑنے کے باعث ہلاک ہوگیا۔ جاں بحق قیدی کی شناخت عبداللہ پٹھان کے نام سے ہوئی ہے۔

(جاری ہے)

جیل ذرائع کے مطابق خیرپور سینٹرل جیل میں جاں بحق ہونے والا قیدی عبداللہ پٹھان غیر ملکی تھا اور دستاویزات نہ ہونے پر سزا کاٹ رہا تھا۔ذرائع کے مطابق جاں بحق ہونے والے قیدی کا تعلق افغانستان سے تھا۔تاہم اب تک اس حوالے سے تفصیلات سامنے نہیں آسکیں کہ مذکورہ قیدی کب سے جیل میں تھا۔