تمام کچرہ گاڑیوں اور مشینری کی سروس اور گاڑیوں میں معیاری فیول اور پرزہ جات استعمال کیے جائیں ،چیئرمین بلدیہ غربی

کراچی (اُردو پوائنٹ اخبارتازہ ترین - این این آئی۔ 25 مئی2018ء) بلدیہ غربی کے تمام شعبہ جات اپنی کارکردگی کو مزید بہتر بنانے کیلئے اقدامات کریں افسران و عملہ باہمی روابط کو مظبوط بناکر ایسے مثالی اقدامات کریں کہ بلدیہ غربی میں رہنے والوں کو بہترین بلدیاتی سہولیات میسر آسکیں ان خیالات کا اظہارقائمقام چیرمین عزیزاللہ آفریدی نے بلدیاتی نمائندوں کے ہمراہ اورنگی وسائٹ زون اسٹور سیکشن میںلائٹس و دستیاب پرزہ جات کا معائینہ کرتے ہوئے کیا قائمقام چیرمین نے موقع پر موجود الیکٹریکل کے افسران کو ہدایت دیتے ہوئے کہا کہ تمام یونین کونسلوں میں اسٹریٹ لائٹس کی مرمت و تنصیب کے کاموں کو برق رفتاری سے مکمل کیا جائے جبکہ محکمہ میکنکل کے فسران کو ہدایت دیتے ہوئے کہا کہ ورکشاپ میں موجود تمام کچرہ گاڑیوں اور مشینری کی سروس اور گاڑیوں میں معیاری فیول اور پرزہ جات استعمال کریں انہوں نے ڈرائیور ز کو ہدایت کی کہ گاڑیوں کو احتیاط سے استعمال کریں اور ان گاڑیوں اور مشینری کو جن میں جدید خود کارنظام موجود ہے ان کو بتائے گئے طریقہ کار کے مطابق آپریٹ کریں اگر غیر زمہ داری کی شکایت موصول ہوئی تو سخت کاروائی کا سامنا کرنا ہوگا موقع پر موجود بلدیاتی ا فسران نے قائمقام چیئرمین کو اسٹریٹ لائٹس کی مرمت و تنصیب کے حوالے سے بریفنگ دیتے ہوئے بتایا کہ تمام یونین کونسلوں نئی اسٹریٹ لائٹس کی مرمت وتنصیب کا عمل متعلقہ بلدیاتی نمائندوں کی مشاورت سے جاری ہے جبکہ ورکشاپ میں موجود گاڑیوں و مشینری کی مرمت کے کاموں کو برق رفتاری سے مکمل کرنے کیلئے تمام تر دستیاب وسائل کو بروئے کار لایا جارہاہے۔