شاہد کپور نے امیتاز علی کی فلم کا حصہ بننے سے انکار کر دیا

ہفتہ 26 مئی 2018 12:22

ممبئی۔ (اُردو پوائنٹ اخبارتازہ ترین - اے پی پی۔ 26 مئی2018ء) بالی وڈاداکار شاہد کپور نے امیتاز علی کی فلم کا حصہ بننے سے انکار کر دیا اب فلم میں ان کی جگہ راج کمار رائو دکھائی دیں گے۔

(جاری ہے)

بھارتی ذرائع ابلاغ کے مطابق خبریں سامنے آرہی تھیں کہ امیتاز علی اور شاہد کپور فلم ’’جب وی میٹ‘‘ کے بعد ایک بار پھر ایک ساتھ کام کریں گے، اور امیتاز علی نے سکرپٹ پر کام بھی شروع کر دیا جبکہ شاہد کپور نے فلم کے لئے لک ٹیسٹ بھی دے دیا لیکن پھر چند وجوہات کی بنا پر شاہد کپور نے فلم میں کام کرنے سے انکار کر دیا جس کے بعد ہدایتکار نے فلم کے مرکزی کردار کے لئے راج کمار رائو سے رابطہ کیا جنہوں نے پیش کش قبول کر لی اور اب امیتاز علی راج کمار رائو کے مطابق فلم کے سکرپٹ میں ردوبدل کر رہے ہیں جبکہ شاہد کپور فلم ’’بتی گل میٹر چالو ‘‘ کی عکسبندی میں مصروف ہیں جس کے بعد وہ ’’ارجن ریڈی‘‘ کے ہندی ری میک پر کام کریں گے۔