اسلام آباد میں لگائے گئے تمام سستے با زروں میں معیاری اشیاء خوردونوش ارزاں نر خوں پر وا فر مقدار میں فراہم کی جارہی ہیں، میئر اسلام آباد

ہفتہ مئی 13:06

اسلام آباد میں لگائے گئے تمام سستے با زروں میں معیاری اشیاء خوردونوش ..
اسلام آباد ۔ (اُردو پوائنٹ اخبارتازہ ترین۔ 26 مئی2018ء) میئراسلام آباد شیخ انصر عزیز نے کہا ہے کہ اسلام آباد میں لگائے گئے تمام سستے با زروں میں نہ صرف اشیاء خوردونوش ارزاں نر خوں پر وا فر مقدار میں فراہم کی جارہی ہیں بلکہ ان کے معیا ر کابھی خصوصی خیال رکھا جا رہا ہے ،کیونکہ سستے با زاروں کا انعقاد کا مقصد روزے داروں کوبھر پور سہولت مہیا کرنا ہے۔

ان خیالات کا اظہار انہوں نے سیکٹرجی سیون میں میٹروپولیٹن کارپوریشن( ایم سی آئی) کی طرف سے لگائے گئے سستے با زار کے دورے موقع پرکیا۔ اس موقع پر یونین کونسل کے چیئرمین نعیم علی گجر ایڈووکیٹ ، سردار مہتاب ایڈوکیٹ ، را جہ وحید الحسن ، چوہدری اللہ دتہٰ ، چوہدری منیر اشرف اور سید ظہیر شاہ کے علاوہ مختلف مقا می منتخب نمائندے اور سی ڈی اے اور ایم سی آئی کے متعلقہ افسران بھی موجود تھے۔

(جاری ہے)

مئیر اسلام آباد شیخ انصر عزیز نے متعلقہ افسران کو ہدایت دیتے ہوئے کہا کہ سستے بازاروںکے لگانے کا بنیا دی مقصد وفاقی دا رلحکومت کے شہریوں کو ماہِ رمضان المبارک میں تازہ اور ارزاں نرخوں پر کھانے پینے کی اشیاء،تازہ پھلوں اور سبزیوں کی فراہمی کو ممکن بنانا ہے۔ انہوں نے کہا کہ ایم سی آئی رمضان المبارک میں شہریوں کی سہولت کے لئے اسلام آباد میں لگائے گئے تمام سستے با زاروں میں ارزاں نرخوںپراشیائے خوردونوش کی وافر مقدار میں فراہمی کو یقینی بنانے کے لیے تمام اقدا مات اٹھائے گااور اس ضمن سخت ما نیٹرنگ کا نظام وضح کیا جارہا ہے تاکہ اسلام آباد کے شہری اس سہولت سے بھر پور فا ئدہ اٹھا سکیں۔

مئیر اسلام آباد نے افسران کو ہدایت کی وہ سستے با زروں میںاپنی مو جودگی کو یقینی بنائیں تاکہ ان با زاروں میں آنے والے صا رفین کی شکا یات کا فوری ازا لہ ممکن بنا یا جا سکے۔ انہوں نے کہا کہ اوور چارجنگ کرنے والوںیا صارفین سے بداخلاقی سے پیش آنے والوں کے خلاف سخت ایکشن لیا جائے۔انہوں نے کہا کہ اشیاء و خوردونوش کی قیمتوں کی فہرست کو سستے بازاروں میں نمایاں جگہوں پر آویزاں کیا جائے تاکہ شہری اپنی ضروریات کے مطا بق اشیاء کے نرخ دیکھ سکیں۔

انہوں نے مزید ہدایت کی با زار میں سیکیورٹی اور صفائی کے نظام میں مزید بہتری لائی جائے۔ مئیر اسلام آباد شیخ انصر عزیز نے کہا کہ ایم سی آئی کے سستا با زار G-7میں تمام اشیاء خوردونوش با لخصوص مشروبات ، پھل اور سبزیاں مار کیٹ کے مقا بلے میںانتہائی سستی فراہم کی جارہی ہیں۔

متعلقہ عنوان :