محکمہ زراعت کی کاشتکاروں کو متصل کھیتوں سے کوئی کیمیائی مادے اپنے کھیت میں جذب نہ ہونے دینے کی ہدایت

اتوار 27 مئی 2018 13:10

فیصل آباد۔27 مئی(اُردو پوائنٹ اخبارتازہ ترین - اے پی پی۔ 27 مئی2018ء)محکمہ زراعت نے کہاہے کہ کاشتکار آرگینک فارم میں متصل کھیتوں سے کوئی کیمیائی مادے جذب نہ ہونے دیں کیونکہ مذکورہ مادوںکے جذب ہونے سے آرگینک فارمنگ اپنی افادیت کھوبیٹھتی ہے ۔ انہوںنے بتایاکہ آرگینک فارمنگ ایسا طریقہ کاشت کاری ہے جس میں مصنوعی کیمیائی کھادوں ، زرعی زہروں اور دیگر کیمیائی مادوں کا استعمال بالکل نہیں کیاجاتا۔

(جاری ہے)

انہوںنے بتایاکہ اس طریقہ کاشت میں زمین کی ذرخیزی کو بحال کرنے کیلئے فصلوں کا ادل بدل ، فصلات کی باقیات ، گوبر کی گلی سڑی کھاد ، پریس مڈ اور سبز کھادوں پر انحصار کیاجاتاہے جس سے خالص ، معیاری ، انتہائی ذائقے دار اور عمدہ خوراک حاصل ہوتی ہے ۔ انہوںنے کہاکہ دنیابھرمیں مذکورہ طریقہ کاشت تیزی سے فروغ پارہاہے جس سے انسانی امراض اور بڑھتی ہوئی بیماریوں سے بھی نجات حاصل ہو رہی ہے ۔ انہوںنے کہاکہ کاشتکار اس طریقہ کاشت سے جہاں مہلک اثرات سے پاک زرعی اجناس حاصل کرسکتے ہیں وہیں انہیں مقامی اور عالمی منڈیوں میں اجناس و سبزیات کی فروخت سے عام فصلات کی نسبت کہیں زیادہ دام بھی مل سکتے ہیں۔

Facebook Twitter Google + Share on Whatsapp

محکمہ زراعت کی کاشتکاروں کو متصل کھیتوں سے کوئی کیمیائی مادے اپنے کھیت میں جذب نہ ہونے دینے کی ہدایت

مزید قومی خبریں