چین کی جانب سے محصولات میں کمی جرمن کاروباری اداروں کے مفاد میں ہے،برن ہارڈ میٹس

اتوار 27 مئی 2018 14:20

برلن۔ (اُردو پوائنٹ اخبارتازہ ترین - اے پی پی۔ 27 مئی2018ء) جرمنی کی آٹو موٹو انڈسٹری ایسوسی ایشن کے صدر برن ہارڈ میٹس نے ایک بیان میں چین کی جانب سے آٹو موبائل درآمدی محصولات میں کمی کے فیصلے کو بے حد سراہا ہے۔چین نے اس ضمن میں رواں برس جولائی سے محصولات کی شرح کو پچیس فیصد سے کم کرتے ہوئے پندرہ فیصد کر دیا ہے۔

(جاری ہے)

میٹس کے خیال میں چین کا اقدام کھلی منڈیوں کے حوالے سے ایک اور اہم قدم ہے اور عالمی تجارت کی مضبوطی کا اشارہ ہے۔

برطانیہ ، امریکا ، اٹلی اور فرانس کے بعد چین جرمن گاڑیوں کی برآمدات کے حوالے سے پانچواں بڑا ملک ہے اور تقریباً دو لاکھ ساٹھ ہزار کاریں جرمنی سے چین برآمد کی جاتی ہیں۔میٹس کے مطابق چین ،جرمن کاروباری اداروں کے لیے ایک اہم پیداواری مقام بھی ہے جہاں گزشتہ برس جرمن کار سازوں نے 4.89 ملین کاریں چین میں تیار کیں جو پوری دنیا میں جرمنی کی تیار کردہ گاڑیوں کی مجموعی پیداوار کا تیس فیصد رہیں۔