(ن) لیگ کو قانون کے سامنے سر جھکانا اور لوٹی دولت بھی واپس لانا ہوگی ‘چوہدری سرور

لاہور(اُردو پوائنٹ اخبارتازہ ترین - آئی این پی۔ 27 مئی2018ء) تحر یک انصاف کے سینیٹر چوہدری محمدسرور نے کہا ہے کہ (ن) لیگ کو قانون کے سامنے سر جھکانا اور لوٹی دولت بھی واپس لانا ہوگی ‘25جولائی کو عوام کا فیصلہ تحر یک انصاف کے حق میں آئیگا عمران خان ہی وزیر اعظم ہوں گے ‘ ہم کسی’’ اشارے‘‘ نہیں عوامی’’ سہارے ‘‘سے اقتدار میں آئیں گے ‘(ن) لیگ کی تباہی کی وجہ سے انکی کر پشن اور لوٹ مار ہیں کوئی بھی عوامی خدمت کا جذبہ رکھنے والا انکا ساتھ نہیں رہیگا ‘گڈ گورننس کے دعویدار حکمرانوں نے کر پشن کے سیکنڈلز کی لائن لگا دی ہے ‘اداروں کو دھمکیاں دینے والوں کو عوام عام انتخابات میں ووٹ کی طاقت سے نشانہ عبر ت بنا دیں گے ۔

وہ لاہور میں تحر یک انصاف کے عاطف چوہدری کی جانب سے ’’نوجوان پاکستان ‘‘کے موضوع پر منعقدہ پارٹی ورکرز کنونشن سے خطاب اور میڈیا سے گفتگو کر رہے تھے اس موقعہ پر تحر یک انصاف کے مر کزی اور صوبائی قائدین بھی موجود تھے تحر یک انصاف کے سینیٹر چوہدری محمدسرور نے کہا کہ تحر یک انصاف نے ہمیشہ اصولوں اور نظرے کی سیاست کی ہے اور پاکستان کے عوام بھی تحر یک انصاف کے ساتھ کھڑے ہیں اور عمران خان عام انتخابات2018میں عوام کی طاقت سے ہی ملک کے وزیر اعظم ہوں گے اور تحر یک انصاف اقتدار میں آکر 100دن کے ایجنڈے کے ایک ایک نقطے پر مکمل عملدرآمد کر یں گی ۔

(جاری ہے)

انہوں نے کہا کہ (ن) لیگ والے اگر تباہی کا شکار ہے اور کوئی انکے ساتھ چلنے کو تیار نہیں تواسکی سب سے بڑی وجہ انکی بیڈ گورننس اور ملک میں ہونیوالی بدترین کر پشن ہے جس کا آج انکو نیب سمیت ہر جگہ حساب بھی دینا پڑ رہا ہے ۔ ایک سوال کے جواب میں چوہدری محمدسرور نے کہا کہ نگران وزیر اعظم اور نگران وزیر اعلی غیر جانبدار شخص ہی ہونا چاہیے اور ملک میں مکمل طور پر شفاف انتخابات کروانا الیکشن کمیشن کی ذمہ داری ہے اور پوری قوم کی نظر یں ملک میں عام انتخابات پر لگیں ہوئی ہیں اور انشاء اللہ پاکستانی عوام کا فیصلہ عمران خان کے حق میں آئیگا اور عمران خان وزیر اعظم بن کرملک اور قوم کی تقدیر بد ل دیں گے ۔

انہوں نے کہا کہ (ن) لیگ کے قائدین کا خود کو قانون کے سامنے جھکانے کا بیان خوش آئند ہے مگر ان کو پاکستان سے لوٹی جانیوالی دولت بھی واپس لاکر ملکی خزانہ میں جمع کروانا ہوگی ۔