سابق عالمی چیمپئن جان شیر خان کی قومی کرکٹ ٹیم کو لارڈز ٹیسٹ میں کامیابی پر مبارک باد

پیر 28 مئی 2018 13:00

اسلام آباد ۔ (اُردو پوائنٹ اخبارتازہ ترین - اے پی پی۔ 28 مئی2018ء) سکواش کے سابق عالمی چیمپئن جان شیر خان، اسلام آباد اتھلیٹکس ایسوسی ایشن کے صدر برگیڈیر (ر) سلطان ستی، پاکستان فٹ بال فیڈریشن کے سابق سیکرٹری جنرل کرنل (ر) مجاہد اللہ ترین، پاکستان لیبر فیڈریشن اسلام آباد کے صدر ڈاکٹر تہذیب الحسن اور راولپنڈی ڈسٹرکٹ بیڈمنٹن کوچ مطاہر سہیل نے قومی کرکٹ ٹیم کو لارڈز ٹیسٹ جیتنے پر ٹیم انتظامیہ اور کپتان سرفراز احمد کو مبارکباد دیتے ہوئے کہا کہ قومی ٹیم نے بائولنگ، بیٹنگ اور فیلڈنگ تینوں شعبوں میں بہترین کارکردگی کا مظاہرہ کیا اور امید ہے ٹیم آئندہ میچ میں بھی اپنی کارکردگی کو مزید بہتر بنا کر فتوحات کا سلسلہ جاری رکھے گی۔