اپریل میں خام کاٹن اورسوتی دھاگہ کی برآمدات میں اضافہ ریکارڈ

پیر 28 مئی 2018 15:45

اسلام آباد ۔ (اُردو پوائنٹ اخبارتازہ ترین - اے پی پی۔ 28 مئی2018ء) ماہ اپریل میں خام کاٹن اورسوتی دھاگہ کی برآمدات میں اضافہ ریکارڈ کیا گیا۔ادارہ شماریات پاکستان کے اعداد وشمارکے مطابق اپریل کے مہینے میں خام کاٹن کی برآمدات میں 31.97فیصد اضافہ ریکارڈ کیاگیا۔

(جاری ہے)

اس ماہ کے دوران پاکستان نے خام کاٹن کی برآمدات سے 56.571ملین ڈالر کازرمبادلہ کمایا جو گزشتہ سال کے اسی عرصہ کے مقابلے میں 31.97فیصد زیادہ ہے۔

گزشتہ سال اپریل کے مہینے میں پاکستان نے خام کاٹن کی برآمدات سے 42.866ملین ڈالرکازرمبادلہ کمایا تھا۔اعداد وشمارکے مطابق اس عرصہ میں سوتی دھاگہ کی برآمدات سے پاکستان نے 1.117ارب ڈالرکازرمبادلہ حاصل کیا جو گزشتہ مالی سال کے اسی عرصہ کے مقابلے میں 7.20فیصد زیادہ ہے۔ گزشتہ مالی سال کے اسی عرصہ میں پاکستان نے سوتی دھاگہ کی برآمدات سے 1.042ارب ڈالر کازرمبادلہ حاصل کیا تھا۔