بھارت آبی دہشتگردی پر اتر آیا ہے،

مسئلہ اقوام متحدہ کونسل اور عالمی عدالت میں اٹھانا چاہیے، رابعہ ستار

پیر 28 مئی 2018 16:09

پشاور۔ (اُردو پوائنٹ اخبارتازہ ترین - اے پی پی۔ 28 مئی2018ء) عوامی نیشنل پارٹی کی خاتون رہنما رابعہ ستار نے کہا ہے کہ بھارت کی جانب سے آبی جارحیت اپنے عروج پر پہنچ چکی ہے اورسندھ طاس معاہدے کوختم کرنے کی کوشش عالمی معاہدوں کی خلاف ورزی ہے ۔ اپنے ایک بیان میں انہوں نے کہا کہ بھارت اب آبی دہشتگردی پر اتر آیا ہے پاکستان کو یہ مسئلہ اقوام متحدہ کونسل اور عالمی عدالت میں اٹھانا چاہیے۔

(جاری ہے)

رابعہ ستار نے کہا کہ صرف اقتصادی راہداری پر ہی نہیں بلکہ چین کے ساتھ پانی کے معاملے پر بھی بات کرنی چاہیے ۔ بھارت کے دریاؤں میں پانی چین سے آتا ہے ، چین سے کشمیر کے راستے بڑی نہر نکال کر پاکستان میں پانی کا مسئلہ حل کر سکتا ہے۔انہوں نے کہا کہ بھارت کے جنگی جنون اور سندھ طاس معاہدے کے معاملے پر حکومت آل پارٹیز کانفرنس بلائے اور اس معاملے کو سنجیدگی سے لیتے ہوئے عالمی عدالت میں بھی اٹھائے ،