آسٹریا کی یورپی سرحدی محافظین کو افریقہ بھیجنے کی تجویز پیش، غیر قانونی نقل مکانی کو روکا جا سکے گا

پیر 28 مئی 2018 17:37

وی اینا(اُردو پوائنٹ اخبارتازہ ترین - آئی این پی۔ 28 مئی2018ء) آسٹریا کے چانسلر سباستیان کرس نییورپی سرحدی محافظین کو افریقہ بھیجنے کی تجویز پیش کر دی ،اہلکاروں کی تعیناتی سے غیر قانونی نقل مکانی کو روکا جا سکے گا۔غیر ملکی میڈیا کے مطابق آسٹریا کے چانسلر سباستیان کرس نے یورپی سرحدی محافظین کو افریقہ بھیجنے کی تجویز پیش کر دی ہے۔

(جاری ہے)

اپنے ایک انٹرویو میں کرس نے کہا کہ بیرونی سرحدوں کے نگران یورپی یونین کے ادارے فرنٹیکس کے اہلکاروں کو افریقہ میں بھی تعینات کیا جائے تاکہ بحیرہ روم کے ذریعے یورپ کی جانب ہونے والی غیر قانونی نقل مکانی کو روکا جا سکے۔

کرس نے مزید کہا کہ اس طرح انسانوں کی اسمگلنگ کرنے والوں کے لیے مشکلات پیدا کی جا سکتی ہیں۔ کرس کا یہ بیان ایک ایسے موقع پر سامنے آیا ہے، جب یکم جولائی سے یورپی یونین کا اگلا صدر ملک آسٹریا ہو گا۔