ڈیر ہ اسماعیل خان،سرچ اینڈ سٹرائیک آپریشن کے دوران 15ملزمان گرفتار ،قبضہ سے اسلحہ، منشیات برآمد، مقدمات درج

پیر 28 مئی 2018 21:57

ڈیر ہ اسماعیل خان (اُردو پوائنٹ اخبارتازہ ترین - این این آئی۔ 28 مئی2018ء) ڈی پی او ڈاکٹر زاہد اللہ کی ہدایت پر تھانہ کلاچی کے علاقہ موچی وال میں سرچ اینڈ سٹرائیک آپریشن کے دوران پولیس نے 15ملزمان گرفتار کرکے انکے قبضہ سے 5بندوق ‘ 2پستول اور 2رائفل برآمد کرکے درجنوں کارتوس اور منشیات برآمدکرلی ‘ الگ الگ مقدمات درج۔

(جاری ہے)

تفصیلات کے مطابق ڈسٹرکٹ پولیس آفیسر ڈیرہ ڈاکٹر زاہد اللہ خان کی ہدایت پر ڈی ایس پی کلاچی سرکل کی نگرانی میں ایس ایچ او درابن پرویز شاہ نے پولیس و ایلیٹ فورس کے ہمراہ تھانہ درابن کی علاقے موچی وال میں سرچ اینڈ سٹرائیک آپریشن کیا ‘ آپریشن کے دوران پولیس نے 15افراد کو گرفتار کرکے انکے قبضے سے 2 پستول30بور‘2رائفل‘5بندوق اور 86کارتوس معہ میگزین اور 90 گرام چرس برآمد کرکے انکے خلاف الگ الگ مقدمات درج کرلئے۔