وفاقی وزیر اطلاعات و نشریات مریم اورنگزیب نے جسٹس (ر) ناصر الملک کو نگران وزیراعظم نامزد ہونے پر مبارکباد

امید کرتے ہیں وہ شفاف، آزادانہ اور غیرجانبدارانہ انتخابات کے انعقاد کو یقینی بنائیں گے،ملک میں جمہوریت اور جمہوری عمل کی مضبوطی کے نئے باب کے آغاز پر پورا پاکستان مبارکباد کا مستحق ہے، مریم اورنگزیب

پیر 28 مئی 2018 23:16

اسلام آباد ۔ (اُردو پوائنٹ اخبارتازہ ترین - اے پی پی۔ 28 مئی2018ء) وفاقی وزیر اطلاعات و نشریات مریم اورنگزیب نے جسٹس (ر) ناصر الملک کو نگران وزیراعظم نامزد ہونے پر مبارکباد دیتے ہوئے کہا ہے کہ امید کرتے ہیں وہ اپنی ذمہ داریاں احسن طریقہ سے سرانجام دیتے ہوئے ملک میں شفاف، آزادانہ اور غیرجانبدارانہ انتخابات کے انعقاد کو یقینی بنائیں گے۔

(جاری ہے)

پیر کو اپنے پیغام میں انہوں نے وزیراعظم شاہد خاقان عباسی، سپیکر قومی اسمبلی سردار ایاز صادق اور قائد حزب اختلاف سیّد خورشید شاہ کو مبارکباد دی ہے۔ انہوں نے کہا کہ حکومت اور اپوزیشن کا ان کے نام پر اتفاق نہایت خوش آئند ہے۔ انہوں نے کہا کہ ملک میں جمہوریت اور جمہوری عمل کی مضبوطی کے نئے باب کے آغاز پر پورا پاکستان مبارکباد کا مستحق ہے، پاکستان میں جمہوریت 10 سال کا تسلسل مکمل کر رہی ہے، جمہوری و سیاسی قوتوں کو سلام پیش کرتے ہیں۔ مریم اورنگزیب نے کہا کہ امید ہے کہ نامزد وزیراعظم ناصر الملک اپنی ذمہ داریاں احسن طریقہ سے سر انجام دیتے ہوئے ملک میں شفاف، آزادانہ اور غیرجانبدارانہ انتخابات کے انعقاد کو یقینی بنائیں گے۔