شیخ زاید ہسپتال رحیم یارخان کا اعزازچار سالہ پیدائشی نابینا بچی کو کامیاب آپریشن کے بعد بینائی لوٹا دی

پیر 28 مئی 2018 23:20

رحیم یار خان۔28 مئی(اُردو پوائنٹ اخبارتازہ ترین - اے پی پی۔ 28 مئی2018ء) آئی ڈیپارٹمنٹ ،شیخ زاید ہسپتال رحیم یارخان کی ایک ہی ہفتے میں دوسری بڑی کامیابی ، چار سالہ پیدائشی نابینا بچی کا کامیاب آپریشن ،بچی کی بینائی واپس آگئی، والدین کی ڈاکٹرزکودعائیں۔زرائع کے مطابق آئی ڈیپارٹمنٹ، شیخ زاید ہسپتال میں ماچھی گوٹھ صادق آباد کی رہائشی چار سالہ مریضہ اریبہ فاطمہ جو کہ سفید موتیے کی وجہ سے پیدائشی نابینا تھی بچی کے والدین علاج کی غرض سے شیخ زیدہسپتال لائے جہاں فیکوسرجن اسسٹنٹ پروفیسرڈاکٹرمحمدعثمان اخترنے اپنی ٹیم کے ہمراہ بچی کاکامیاب آپریشن کیا ۔

دودن کے بعد پٹی کھُلنے کے بعدبچی کی بینائی بحال ہوگئی اس موقع پر ایم ایس شیخ زاید ہسپتال ڈاکٹر غلام ربانی نے آئی ڈیپارٹمنٹ کا دورہ کیا اور بچی کی خیریت دریافت کی۔

(جاری ہے)

انہوں نے پروفیسر ڈاکٹر صلاح الدین عربی اور ان کی پوری ٹیم کو مبارکباد دی اور ان کے کام کو سراہااور اسے انسانیت کی خدمت قرار دیا۔ہیڈآف آئی ڈیپارٹمنٹ پروفیسرڈاکٹرصلاح الدین عربی، اسسٹنٹ پروفیسرڈاکٹرحافظ محمدعثمان اخترنے کہاکہ ایک ہفتہ میں دوکم سن پیدائشی نابینابچوںکی آپریشن کے بعدنظربحال ہوناشیخ زیدہسپتال کے لئے ایک اعزازکی بات ہے انہوں نے کہاکہ چھوٹے بچے جوپیدائشی موتیے کاشکارہیں ان کا مفت علاج اورفری لینزمہیاکئے جارہے ہیں ۔