پریانکا چوپڑا کو سری دیوی ایکسیلینس ایوارڈ دیا گیا

منگل مئی 11:00

ممبئی۔ (اُردو پوائنٹ اخبارتازہ ترین۔ 29 مئی2018ء) بالی وڈ اداکارہ پریانکا چوپڑا کو جھاڑکھنڈ انٹرنیشنل فلم فیسٹیول میں سری دیوی ایکسیلینس ایوارڈ سے نوازا گیا۔ بھارتی ذرائع ابلاغ کے مطابق اداکارہ پریانکا چوپڑا کو جھاڑکھنڈ انٹرنیشنل فلم فیسٹیول میں گزشتہ روز سری دیوی ایکسیلینس ایوارڈ سے نوازا گیا یہ ایوارڈ ہدایتکار مہیش بھٹ سے پریانکا چوپڑا کی جانب سے ان کی والدہ مدھو چوپڑا نے وصول کیا۔

(جاری ہے)

اس سلسلے میں اداکارہ پریانکا چوپڑا نے اپنے وڈیو پیغام میں ایوارڈ کے لئے شکریہ ادا کرتے ہوئے کہا کہ جھاڑکھنڈ نٹرنیشنل فلم فیسٹیول میں سری دیوی ایکسیلینس ایوارڈ حاصل کرنا میرے لئے اعزاز کا باعث ہے۔ انہوں نے کہا کہ اداکارہ سری دیوی ہمیشہ میری پسندیدہ اداکارہ رہی ہیں اور ان کے نام کا ایوارڈ حاصل کرنا میرے لئے باعث احترام ہے۔ پریانکا چوپڑا فلم ’’بھارت‘‘ میں اداکار سلمان خان کے ساتھ مرکزی کردار ادا کریں گی۔