کارتک آریان کا فلم کے لئے3کروڑ معاوضہ طلب کرنے بارے خبروں کی تردید

منگل 29 مئی 2018 12:45

ممبئی ۔ (اُردو پوائنٹ اخبارتازہ ترین - اے پی پی۔ 29 مئی2018ء) بالی وڈ اداکار کارتک آریان نے ہدایتکار لو رنجن کی فلم ’’پیار کا پنچ نامہ‘‘ سلسلے کی تیسری فلم کے لئے 3کروڑ معاوضہ طلب کرنے بارے خبروں کی تردید کر دی۔

(جاری ہے)

بھارتی ذرائع ابلاغ کے مطابق خبریں سامنے آرہی تھیں کہ اداکار کارتک آیان نے ہدایتکار لو رنجن کی فلم ’’پیار کا پنچ نامہ‘‘ سلسلے کی تیسری فلم کے لئے 3کروڑ معاوضہ طلب کیا ہے جس کی اداکار کارتک آریان نے تردید کرتے ہوئے کہا ہے کہ معاوضے سے متعلق میری اور ہدایتکار کے مابین کوئی بات نہیں ہوئی ہے اور آئندہ بھی ایسی کوئی بات نہیں ہو گی۔

انہوں نے کہا کہ ہمارے آپس میں تعلقات بہت اچھے ہیں اور انہیں ایسی خبروں پر یقین نہیں ہے کیونکہ ہم نے اکھٹے فلمی کیریئر کا آغاز کیا۔