گزشتہ 3دنوں سے ضلع میرپور میں لوڈ شیڈنگ سے قومی یکجہتی اور ریاستی تقد س متاثر ہو رہا ہے ،ْچوہدری مسعود خالد

ْ واپڈا کے ارباب اختیار اس کا نوٹس لیں اور میرپور کے شہریوں کی قربانیوںکا خیال کریں ،ْبیان

منگل 29 مئی 2018 16:37

مظفر آباد(اُردو پوائنٹ اخبارتازہ ترین - این این آئی۔ 29 مئی2018ء) آزاد کشمیر کے وزیر شہری دفاع چوہدری مسعود خالد نے کہا ہے کہ میرپور کے عوام کی قربانیوں کے باوجود گزشتہ 3دنوں سے ضلع میرپور کی بجلی بند ہے ۔ اس ظالمانہ لوڈ شیڈنگ کے منفی اثرات مرتب ہو رہے ہیں اور قومی یکجہتی اور ریاستی تقد س متاثر ہو رہا ہے ۔ واپڈا کے ارباب اختیار اس کا نوٹس لیں اور میرپور کے شہریوں کی قربانیوںکا خیال کریں ۔

ان خیالات کا اظہار انہوں نے گزشتہ روز ضلع میر پور میں بجلی کی بدترین لوڈ شیڈنگ کے خلاف اپنے ایک بیان میں کیا ۔

(جاری ہے)

انہوں نے کہا کہ ماضی میں بھی واپڈا آزاد کشمیر کے عوام کے ساتھ زیادتیوں کا مرتکب ہوتا رہا اور یہ سلسلہ آج بھی جاری ہے ۔ انہوں نے کہا کہ بجلی کی بدترین لوڈ شیڈنگ ریاست کے لوگوں میں شدید بے چینی پیدا ہورہی ہے ۔ میر پور کے لوگوں نے اپنے آباو اجداد کی قبروں کی قربانی دے کر ملک کو روشن کی ہے واپڈا کو انکی قربانیوںکا خیال رکھنا چاہیے ۔

انہوں نے کہا کہ بجلی کے بار بار تعطل کی وجہ سے لوگوں کے قیمتی برقی آلات خرا ب ہو رہے ہیں واپڈا اس جانب توجہ دے اور ریاستی عوام کی قربانیوں کو مدنظر رکھتے ہوئے میرپور میں ظالمانہ لوڈ شیڈنگ کا خاتمہ کرے ورنہ حالات خراب ہو سکتے ہیں ۔