ایکٹ 74 میں ترامیم اہم معاملہ ہے ‘ وزیراعظم آزادکشمیر سب کو اعتماد میں لیں

معروف نوجوان قانوندان سابق امیدوار اسمبلی نوید عباسی ایڈووکیٹ کا مطالبہ

منگل 29 مئی 2018 18:27

مظفرآباد (اُردو پوائنٹ اخبارتازہ ترین - آئی این پی۔ 29 مئی2018ء) معروف نوجوان قانون دان، سابق امیدوار اسمبلی نوید عباسی ایڈووکیٹ نے کہا ہے کہ ایکٹ 74 میں ترامیم اہم معاملہ، وزیراعظم آزادکشمیر سب کو اعتماد میں لیں، اس ترامیم کا اثر آئندہ آنیوالی نسلوں پر پڑے گا، کشمیری عوام اختیار مانگ رہے ہیں اپنے حقوق سے دستبرداری نہیں دے رہے، وزیراعظم آزادکشمیر معاملہ کی سنگینی کو سمجھیں، گزشتہ روز میڈیا نمائندوں سے بات چیت کرتے ہوئے انہوں نیکہاکہ ایکٹ 74 میں ترامیم کے حوالے سے بل قانون ساز اسمبلی میں پیش کیاگیا ہے، آزادکشمیر حکومت اختیارات کے حصول کی دعویدار ہے جبکہ معاملہ کی دوسری تصویر اس کے برعکس ہے، ایکٹ 74 میں وہ ترامیم ہونی چاہیئے جن سے ریاست کے اختیار اور وقار میں اضافہ ہو، ایسی ترامیم کے نام پر اگر کوئی اختیار ریاستی عوام سے چھین لیاگیا تو وہ واپس ملنا مشکل ہوجائے گا، وزیراعظم آزادکشمیر اکیلے عقل کل بننے کی بجائے ریاست کی تمام سیاسی جماعتوں، سیاسی قائدین، مذہبی تنظیموں کو اعتماد میں۔

(جاری ہے)

لیکر یہ قدم اٹھائیں، ایسے معاملات میں جلد بازی سے نہیں دانشمندی، صبر و حوصلہ کام لیا جائے۔