سیٹ ایوارڈز، ویرات کوہلی انٹرنیشنل کرکٹر آف دی ایئر قرار، کولن منرو ٹی ٹونٹی کے بہترین بلے باز اور راشد خان بہترین بائولر کا ایوارڈ لے اڑے

منگل 29 مئی 2018 19:32

ممبئی۔ (اُردو پوائنٹ اخبارتازہ ترین - اے پی پی۔ 29 مئی2018ء) بھارتی ٹیم کے کپتان اور سٹار بلے باز ویرات کوہلی سیٹ انٹرنیشنل کرکٹ آف دی ایئر قرار پائے، کولن منرو نے ٹی ٹونٹی کے بہترین بلے باز اور راشد خان نے بہترین بائولرکا ایوارڈ حاصل کیا۔

(جاری ہے)

تفصیلات کے مطابق سیٹ کرکٹ ریٹنگز ایوارڈز کی تقریب ممبئی میں منعقد ہوئی جس میں ایک سال کے دوران تینوں فارمیٹس میں نمایاں کارکردگی کا مظاہرہ کرنے والے مردوخواتین کھلاڑیوں کو اعزازات سے نوازا گیا، کوہلی کیلئے گزشتہ سیزن یادگار رہا تھا اسلئے انہیں انٹرنیشنل کرکٹر آف دی ایئر قرار دیا گیا، بھارتی اوپننگ بیٹسمین شیکھر دھون نے انٹرنیشنل بیٹسمین آف دی ایئر ایوارڈ حاصل کیا، افغانستانی سپنر راشدخان کی کارکردگی بھی متاثر کن رہی اور انہوں نے آئی پی ایل کے دوران بھی اپنے سکلز سے سب کو متاثر کیا، ٹی ٹونٹی بائولر آف دی ایئر اور نیوزی لینڈ کے کولن منرو ٹی ٹونٹی بیٹسمین آف دی ایئر ایوارڈز لے اڑے، کیوی بائولر ٹرینٹ بولٹ نے انٹرنیشنل بائولر آف دی ایئر، بھارت کی خاتون کرکٹر ہرمنپریت کوہر نے آئوٹ اسٹیڈنگ اننگر آف دی ایئر، میانک اگروال ڈومیسٹک پلیئر آف دی ایئر، شبھ مان گل انڈر 19 پلیئر آف ایئر، کرس گیل پاپولر چوائس ایوارڈ کے حقدار ٹھہرے۔