پاکستان کی خارجہ پالیسی کمزور،چین پر انحصار کے بجائے خود اعتمادی سے کام کرنا ہوگا، شیریں مزاری
ہمسایہ ممالک کے ساتھ پرامن تعلقات کے خواہاں ہیںمگر پاکستان کی خاموشی کو کمزور ی نہ سمجھے، امریکہ ، بھارت سمیت دیگر ممالک کے ساتھ برابری کی سطح پر تعلقات کرنا چاہیے،ایف اے ٹی ایف کے معاملے میں متعلقہ اداروں نے بروقت اقدامات نہیں کیے، کشن گنگا ڈیم کی تعمیر کے دوران بین الاقوامی سطح پر ہماری سفارتکاری کمزور رہی ہے،انٹرویو
منگل 29 مئی 2018 21:20
(جاری ہے)
آن لائن کے ساتھ خصوصی انٹرویو کے دوران شریں مزاری نے کہا کہ سال 1998ء میں پاکستان کی جانب سے ایٹمی دھماکوں کا تجربہ ضروری تھا۔
خطے میں طاقت کے توازن کو برقرار رکھنا نہایت اہم ہے۔ شیریں مزاری نے کہاکہ گزشتہ پانچ سالوںکے دوران خارجہ پالیسی کے لحاظ سے حکومت ٹھوس کارکردگی دکھانے میں بری طرح ناکام رہی ہے ،ورلڈ بینک نے سندھ طاس معاہدے میں کوئی گارنٹی نہیں دی تھی، ان مسائل کو حل کرنے کیلئے پاکستان کو خود بات چیت کرنا ہوگی۔ کشن گنگا ڈیم کی تعمیر کے دوران بھارت کو رکوانے کا کام نہیں کیا گیا ۔ پاکستان کو بھارت کے خلاف بین الاقوامی سطح پر جارحانہ خارجہ پالیسی اپنانے کی ضرورت ہے۔ پاکستان کو دوست ہمسایہ ممالک پر انحصار کرنے کی بجائے خود پر اعتماد کرنا ہوگا۔ بھارت کے ساتھ پرامن تعلقات کے خواہاں ہیں مگر پاکستان کی پرامن پالیسی کو کمزور ی نہ سمجھاجائے۔ پاکستان ایک ایٹمی طاقت ہے اور کسی قسم کی جارحیت کا جواب دینے کی صلاحیت رکھتا ہے۔ ایک سوال کے جواب میں انہوںنے کہا کہ امریکہ کے ساتھ تعلقات ناخوشگوار ہیں مگر امریکہ کو پاکستان کے ساتھ برابری کی سطح پر تعلقات قائم کرنا ہونگے۔ انہوںنے کہا کہ کرنل جوزف عمانیویل کے معاملے میں بھی پاکستان نے لچک دکھائی جس کا فائدہ امریکہ نے اٹھایا۔سفارتی استثنی کا مطلب کسی ملک کے شہریوںکو مارنا نہیں ہے۔ڈاکٹر شیرین مزاری نے کہا کہ پاکستان ہمسایہ ممالک کے ساتھ پرامن تعلقات کو خواہاں ہے مگر امن کی پالیسی کو کمزوری نہ سمجھا جائے۔ پاکستان اور افغانستان کو یہ سمجھنا چاہیے کہ خطے میں امن واستحکام کیلئے دوستانہ تعلقات کا قائم رہنا ہے۔ افغانستان کو یہ جاننا ہوگا کہ بھارت وقت کے ساتھ اپنے مفادات تبدیل کرتا رہتاہے۔لہذا افغانستان اور پاکستان مشترکہ بارڈر منیجمنٹ کو بہتر بنانے کیلئے خود مشاورت کریں، تاکہ دونوں ممالک میں امن قائم رہے۔بھارت ایل اوسی پر مسلسل خلاف ورزی کے ذریعے پاکستان کے صبر کا امتحان لے رہا ہے۔مقبوضہ کشمیر سمیت کنٹرول لائن پر معصوم شہریوں کو نشانہ بنایا جارہاہے۔جو نہ صرف انسانی حقوق کی خلاف ورزی ہے بلکہ ملکی حدود کی بھی خلاف ورزی کی جارہی ہے۔بیرونی ممالک میں تعینات پاکستانی سفارتکاروں کو شور مچاناچاہیے اور پوری دنیا کو باور کرانا ہوگا کہ بھارت کنٹرول لائن پر مسلسل خلاف ورزی کرریا ہے اورمعصوم شہریوں کو نشانہ بنارہا ہے۔ ایک سوال کے جواب میں تحریک انصاف کی راہنماء ڈاکٹر شیریں مزار ی نے کہا کہ اگر پاکستان تحریک انصاف کو حکومت کرنے کا موقع ملا تو بیرون ملک پاکستانیوںکو مکمل تحفظ فراہم کرینگے۔بیرونی ممالک میں بسنے والے پاکستانی ملک کیلئے سرمایہ ہیں، انہیں وہی حقوق ملنے چاہیے۔ انہوں نے بتایا کہ اس وقت بھارت نیوکلیئر سپلائرز گروپ کی رکنیت کے لیے بھاگ دوڑ کررہاہے لیکن اس کے لیے ایک معیار قائم کرنا ہوگا اور اس بات کو یقینی بنانا ہوگا کہ کوئی بھی نان این پی ٹی ممبر ملک نیوکلیئر سپلائرز گروپ کا رکن نہیں بن سکتا،۔شیریں مزاری نے کہاکہ پاکستان کو نان نیوکلیر اسٹیٹس کے ساتھ ملکر لابنگ کرنی چاہیے اور بھارت کے مقابلے میں ایک محاذ تیار کرنا ہوگا۔ صر ف چین پر انحصار کرنے سے بین الاقوامی فورمز پر معاملات حل نہیں ہونگیمزید اہم خبریں
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
-
سولرپینل بنانے والوں کو 10 سالہ مراعات دینے کی پالیسی تیار
-
پاکستان ایران نئے معاہدوں پرپیشرفت ہوئی تو پابندیاں لگ سکتی ہیں، امریکہ کی پھردھمکی
-
صدرزرداری سینیٹ کا اجلاس کل جمعرات کی شام طلب کرلیا
-
سولر پینل بنانے والوں کو 10 سالہ مراعات دینے کی پالیسی تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.